ABŞ-ın Braun Universitetinin professoru Raşa Alavie etibarlı vizasına və onun deportasiyası üçün 48 saatlıq bildiriş tələb edən məhkəmə qərarına baxmayaraq ölkədən çıxarılıb.

“The New York Times” (NYT) qəzetinin məlumatına görə, Braun Universitetinin tibb fakültəsində işləyən və ölkəsinə səfər etdikdən sonra saxlanılan Livan vətəndaşı Raşa Alavie deportasiya edilib.

Etibarlı vizası olmasına baxmayaraq Boston Loqan Beynəlxalq Hava Limanında Gömrük və Sərhəd Mühafizəsi tərəfindən 36 saat saxlanılan Alavie Livana geri göndərilmək üçün təyyarəyə mindirilib.

Bölmə Massaçusets Federal Dairə Məhkəməsinin Alavienin deportasiya edilməsindən 48 saat əvvəl məhkəməyə məlumat verilməsi tələbinə əməl etməyib.

Massaçusets Dairə Məhkəməsinin hakimi Leo Sorokin Gömrük və Sərhəd Mühafizəsinin məhkəmə qərarlarına “qəsdən” tabe olub-olmaması barədə məlumat istəyib.

Sorokin bildirib ki, bölmə “heç bir əsas vermədən” Alavieni deportasiya edib və əlavə edib ki, məhkəmə qərarının pozulduğuna dair “ciddi iddialar” var.