ABŞ-ın Corctaun Universitetində tədqiqat aparan hindistanlı akademik Badar Xan Suri “Həmas” ilə əlaqəsi olduğu üçün saxlanılıb. Corctaun Universitetinin Beynəlxalq Münasibətlər Departamentində doktoranturadan sonrakı tədqiqat və tədrislə məşğul olan Suri bazar ertəsi evinə basqın zamanı həbs olunub.

Surinin vəkili Həsən Əhməd bildirib ki, onlar müvəkkilinin dərhal azadlığa buraxılması üçün müraciət ediblər.

“Politico” tərəfindən nəzərdən keçirilən ərizə sənədində “HƏMAS” terror təşkilatını dəstəkləyən aparıcı sima Mahmud Xəlilin saxlanması üçün istifadə edilən eyni qanuna əsasən Kolumbiya Universiteti akademikinin həbs olunduğu bildirilir.

Qanun Dövlət Departamentinə məhbusun ABŞ təhlükəsizliyinə təhdid yaratdığı müəyyən olunarsa, onu deportasiya etmək səlahiyyəti verir.

ABŞ Daxili Təhlükəsizlik Departamentinin sözçüsü Trişa MakLaflin, Surinin “HƏMAS” terror təşkilatının təbliğatını apardığı və sosial mediada antisemitizmi təbliğ etdiyini söylədi. Lakin sözçü iddialarına heç bir sübut təqdim etməyib.

Vəkili Əhməd deyir ki, müvəkkilinin keçmişi təmizdir və bu günə qədər ona qarşı heç bir hüquqi araşdırma açılmayıb. Vəkil Suriyə qarşı irəli sürülən ittihamların qayınatasının şəxsiyyəti ilə bağlı ola biləcəyini və o, işi nəzərdən keçirməyə davam etdiyini bildirib.

“The New York Times”ın məlumatına görə, Suri fələstinli amerikalı Mafeze Salehlə evlidir. Salehin atası Əhməd Yusif ötən il İranda İsrail tərəfindən öldürülən “HƏMAS” lideri İsmayıl Haniyənin keçmiş müşaviri olub. Qəzet yazır ki, Yusif Surinin kürəkəni olduğunu təsdiqləyib. Bununla belə, Yusif akademikin “HƏMAS” da daxil olmaqla heç bir siyasi fəaliyyətlə məşğul olmadığını deyib.

Qəzzada yaşayan Yusuf 10 ildən çox əvvəl administrasiyadakı vəzifəsini tərk etdiyini bildirib. O, “HƏMAS” ilə heç bir əlaqəsinin olmadığını bildirir və təşkilatın 7 oktyabr 2023-cü ildə Qəzzada müharibəyə başlayan Əl-Əqsa Tufanı əməliyyatını açıq şəkildə tənqid edib.

MakLaflin də öz açıqlamasında Surinin “HƏMAS”ın yüksək səviyyəli məsləhətçisi ilə yaxın əlaqələrinin olduğunu iddia edib. Mətbuat katibi açıqlamasında dövlət katibi Marko Rubionun akademiki deportasiya etmək istədiyini bildirib.

Corctaun Universiteti açıqlamasında Surinin heç bir qeyri-qanuni fəaliyyətlə məşğul olmadığını və onun saxlanılması üçün quruma heç bir səbəb göstərilmədiyini bildirib.

Suri “J-1” tələbə vizası ilə ABŞ-da olub. Fələstinli aktivist tələbə Mahmud Xəlilin yaşıl kartı var idi.