ABŞ-ın müdafiə naziri Pit Heqsetin “USS Carl Vinson” Yaxın Şərqə göndərmə qərarı ilə bölgədəki hərbi varlığını artırmağı hədəflədiyi açıqlanıb.

Adının açıqlanmasını istəməyən ABŞ rəsmisi “The Associated Press”ə (AP) bildirib ki, Yəməndə husilərə qarşı hücumlarını gücləndirdiyi üçün Birləşmiş Ştatlar gələn ay bölgədə iki təyyarədaşıyıcısı olmasını planlaşdırır.

ABŞ-ın müdafiə naziri Pit Heqsetin hazırda Sakit Okeanda xidmətdə olan “USS Carl Vinson” döyüş gəmisinə Yaxın Şərqə yola düşmə əmri verdiyini və cümə axşamı günü Qırmızı dənizdə xidmətdə olan “USS Harry S. Truman” gəmisinin ən azı bir ay Yaxın Şərqdə qalması barədə əmr imzaladığını bildirib.

Hesabatda ABŞ-ın iki təyyarədaşıyan gəmisinin bölgədə olmasının husiləri dəstəkləyən İrana qarşı “aydın çəkindirmə mesajı” daşıyacağı vurğulanıb.

ABŞ prezidenti Donald Tramp martın 19-da “Truth Social” hesabında Husilərin ABŞ-ın hava hücumları ilə “tamamilə məhv ediləcəyini” bildirib və İrana xəbərdarlıq edib ki, onlara hərbi texnika verilməsini dərhal dayandırsın.

ABŞ son altı ayda ikinci dəfə bölgədə eyni vaxtda iki təyyarədaşıyan gəmi yerləşdirib və “Vinson”un gələn ayın əvvəlində öz növbətçi məntəqəsinə gəlməsi gözlənilir.

Qırmızı dənizdə husilərə qarşı əməliyyatlarını davam etdirən “USS Harry S. Truman”ın mart ayının sonunda ABŞ-ın Virciniya ştatının Norfolk şəhərinə yola düşməsi planlaşdırılırdı.