ABŞ prezidenti Donald Tramp Cənubi Koreyanın “Hyundai” şirkətinin ABŞ-a 21 milyard dollar sərmayə qoyacağını açıqlayıb.

ABŞ prezidenti Donald Tramp Ağ Evdə keçirdiyi mətbuat konfransında “Hyundai”nin ABŞ-ın istehsal sənayesinə 5,8 milyard dollar sərmayə qoyacağını açıqlayıb.

Bu çərçivədə şirkətin Luizianada quracağı fabrikdə ildə 2,7 milyon metrik tondan çox polad istehsal edəcəyini və 1400-dən çox insanı iş yeri ilə təmin edəcəyini ifadə edən Tramp, daha sonra genişləndiriləcək obyektin “Hyundai”nin ABŞ-dakı ilk polad fabriki olacağını qeyd etdi.

Tramp bildirib ki, şirkət Alabama və Corciyadakı avtomobil zavodları üçün avtomobil hissələri və polad tədarük edəcək və bu zavodlar tezliklə hər il ABŞ istehsalı olan 1 milyondan çox avtomobil istehsal edəcək.

Bu sərmayənin tariflərin işə yaradığının güclü göstəricisi olduğunu iddia edən Tramp, “Hyundai Amerikada polad, Amerikada avtomobil istehsal edəcək. Nəticədə heç bir tarif ödəmək məcburiyyətində qalmayacaqlar. Bilirsiniz, məhsulunuzu Amerikada istehsal edirsinizsə, heç bir tarif yoxdur, ona görə də bu qədər insan gəlir”, – deyib.

Luizianadakı yeni polad zavodunun “Hyundai”nin yaxın bir neçə il ərzində ABŞ-da edəcəyi 21 milyard dollarlıq sərmayənin bir hissəsi olduğunu deyən Trump, şirkətin Gorciya avtomobil istehsalını da əhəmiyyətli dərəcədə artıracağını və qabaqcıl Amerika texnologiya şirkətlərinə milyardlarla dollar sərmayə qoyacağını bildirib.

***

“Hyundai” İdarə Heyətinin sədri Euisun Çanq da 1986-cı ildən bəri ABŞ-a 20 milyard dollardan çox sərmayə yatırdıqlarını və 570 mindən çox ABŞ biznesmenə dəstək verdiklərini bildirib.

Önümüzdəki 4 ildə 21 milyard dollarlıq yeni investisiya qoyacaqlarını açıqlayan Çanq, bunun ABŞ-da indiyə qədər etdikləri ən yüksək sərmayə olacağını söylədi.

Çanq həmçinin ABŞ-dan 3 milyard dollar dəyərində mayeləşdirilmiş təbii qaz (LNG) alacaqlarını ifadə edərək, "Bütün bu səylər ABŞ-dakı tədarük zəncirimizin lokallaşdırılmasını sürətləndirəcək, əməliyyatlarımızı genişləndirəcək və Prezident Trampın rəhbərliyi altında Amerika işçi qüvvəmizi artıracaq”, – deyib.