Rusiya prezidenti Vladimir Putinlə razılığa gələ bilməyən ABŞ prezidenti Donald Tramp Rusiya liderini növbəti dəfə hədələyib. Tramp bildirib ki, Ukrayna ilə atəşkəs əldə olunmasa, Rusiyaya qarşı yeni tariflər tətbiq edəcək.

Seçki kampaniyası zamanı “müharibəni 24 saata bitirəcəyini” iddia edən ABŞ prezidenti Donald Tramp hələ də Ukrayna və Rusiya ilə razılığa gələ bilməyib.

Putini atəşkəslə razılaşmağa inandıra bilməyən Tramp Rusiya liderini əlavə gömrük rüsumları ilə hədələyib. O, bəyan edib ki, Ukraynada atəşkəs olmasa, ikinci dəfə Rusiya neftinə dolayı yolla gömrük rüsumları tətbiq edəcək.

Mövzuyla əlaqədar Tramp bu açıqlamanı verdi: “Onun bir sövdələşmə etdiyini görmək istəyirəm. Hər həftə 2500 adam ölür. Onun atəşkəsi qəbul etdiyinə əmin olmaq istəyirəm və inanıram. Rusiya neftinə tarif tətbiq etmək istəmirəm, amma ikinci dəfə işini görməzsə, düşünəcəm”.

Putinlə razılığa gələ bilməyən Tramp, Ukrayna ilə nadir elementlər müqaviləsinin hələ tamamlanmadığını xatırladıb. Kiyev administrasiyasının razılaşmanı yenidən müzakirə etmək istədiyini bildirən Tramp, Ukraynanın bu razılaşmanı NATO-ya bilet kimi gördüyünü və NATO-ya daxil olmaq istəyinin müharibənin əsas səbəblərindən biri olduğunu vurğulayıb.