“TikTok-un ABŞ-dakı aktivlərinin bölünməsinə dair razılaşma ABŞ prezidenti Donald Trampın əks tarifləri elan etməsindən və Çinin təsdiq etməyəcəyinə işarə etməsindən sonra dayandı”, – məsələdən xəbərdar iki mənbə “Reuters” agentliyinə bildirib. Onlardan biri bildirib ki, əsasən çərşənbə günü tamamlanan sövdələşmə TikTok-un ABŞ-dakı əməliyyatlarını, ABŞ investorlarına məxsus və mərkəzi ofisi ABŞ-da yerləşən şirkətə çevirəcək.

Tramp TikTok-un ABŞ-da daha 75 gün fəaliyyət göstərməsinə icazə verən sərəncam imzaladığını və tətbiqin ABŞ-a məxsus olması ilə bağlı razılığa gəlməyə çalışdığını bildirib.

Tramp, administrasiyasının Çin video platformasının sahibliyini dəyişdirməsi üçün ABŞ tərəfindən müəyyən edilmiş son tarixdən əvvəl TikTok-da “çox yaxşı bir investor qrupu” ilə razılaşmaya “çox yaxın” olduğunu bildirdi.

Cümə axşamı axşam Floridaya uçan təyyarədə jurnalistlərə danışan ABŞ prezidenti “birdən çox investor”dan bəhs edib.

Yanvarın 19-da qüvvəyə minən ABŞ qanunu, Pekinin amerikalılara casusluq edə biləcəyi və ya Amerika ictimai rəyinə gizli şəkildə təsir göstərə biləcəyi ilə bağlı narahatlıqlar səbəbilə TikTok-un Amerika filialına Çindəki ana şirkəti “ByteDance” ilə əlaqələrini dayandırmağı əmr etdi.

Tramp yanvarın 20-də vəzifəyə başlayanda qanunu dondurdu və “ByteDance”a ABŞ-dakı əməliyyatlarını satmaq üçün uzadılan 75 günlük müddət verdi. Bu müddət aprelin 5-də başa çatır.

Tramp, Çinə “bir az tarif endirimi və ya bunu etmək üçün bir şey” verə biləcəyini söylədi və əlavə etdi ki, “bir növ razılığa gələcəyik” və bu, vaxtında baş verməsə, son müddəti uzadacaq.

“The Associated Press” (AP) istinadən verdiyi məlumata görə, Ağ Ev TikTok ilə bağlı razılığa gəlməyə yaxındır, lakin Tramp Çini hədəf alan geniş tarifləri elan etdikdən sonra Çin danışıqları dayandırıb.