ABŞ-ın Maliyyə Naziri Skott Bessent, güman ki, müttəfiqlərlə tariflərlə bağlı razılığa gələ biləcəklərini və daha sonra Çinə qrup şəklində yaxınlaşa biləcəklərini söyləyib.

Bessent bu sözləri Vaşinqtonda Amerika Bankirlər Assosiasiyasının tədbirindəki çıxışında deyib.

Bazarlarda müəyyən qeyri-müəyyənlik olduğunu qeyd edən Bessent, “Ancaq ümumi olaraq danışdığım şirkətlər mənə iqtisadiyyatın çox möhkəm olduğunu söyləyirlər. Keçən cümə günü çox yaxşı məşğulluq rəqəmlərimiz var idi. Ona görə də məncə, olduqca yaxşı vəziyyətdəyik”, – deyib.

Digər ölkələrin qisas almaması lazım olduğunu deyən Bessent, qisas olmadığı təqdirdə keçən həftə açıqlanan tarif səviyyələrinin maksimum olduğunu xatırladıb.

ABŞ və bir çox ölkənin tariflərlə bağlı danışıqlar aparmaq istədiyini vurğulayan Bessent, ABŞ prezidenti Donald Trampın Yaponiya və Cənubi Koreya liderləri ilə danışdığını, Vyetnamdan da nümayəndə heyətinin gəldiyini bildirib.

“Ancaq eskalasiya baxımından, təəssüf ki, Çin qlobal ticarət sistemində ən böyük günahkardır və eskalasiya edən yeganə ölkədir”, – deyən Bessent, Çinin qisas almasına işarə edib.

***

İspaniyanın Baş naziri Pedro Sançesin Avropa Birliyinin (AB) Çinlə yaxınlaşması ilə bağlı şərhlərini tənqid edən Bessent, “Bu, öz boğazını kəsmək kimi bir şeydir”, – deyib.

Müttəfiqlərlə yəqin ki, razılığa gələ biləcəklərini deyən Bessent, “Onlar hərbi baxımdan yaxşı müttəfiqdirlər, lakin iqtisadi baxımdan böyük deyillər. O zaman Çinə bir qrup olaraq yaxınlaşa bilərik”, – deyib.

Vergi qanun layihəsi müzakirələrinin gözlənildiyindən daha yaxşı getdiyini deyən Bessent, xalqı bir rıçaq olmaqdan çıxarmaq və özəl sektoru yenidən bir təsir alətinə çevirmək istədiklərini vurğuladı.

***

ABŞ prezidenti Donald Tramp tariflərdə 90 günlük fasilə elan etməzdən əvvəl ABŞ-ın hər zamankindən daha böyük və daha yaxşı olacağını və satın almaq üçün əla vaxt olduğunu söyləyib.

ABŞ Prezidenti Donald Tramp əlavə tariflərə 90 günlük fasilə elan etməzdən əvvəl, tarif gərginliyi artdıqdan və ABŞ fond bazarlarını silkələdikdən sonra “Truth Social” hesabında paylaşım edib.

Yazısına “Sakit olun!” ifadəsini daxil edən Tramp hər şeyin yaxşı olacağını, ABŞ-ın hər zamankından daha böyük və daha güclü olacağını qeyd edib.

“Bu, satın almaq üçün əla vaxtdır”, – Tramp deyib.

Günə enişlə başlayan “Dow Jones” və “S&P 500” indeksləri ABŞ prezidenti Trampın bəyanatından sonra itkilərini geri çevirib, Nasdaq indeksində isə yüksəliş sürətlənib.