ABŞ Prezidenti Donald Tramp ucuz Çin işçi qüvvəsinə üstünlük verən dünyanın ən məşhur texnologiya şirkətlərindən biri olan “Apple”a müharibə elan edib.

Tramp bu gün elan etdi ki, əgər “Apple” özünün təməl məhsulu olan “iPhone”u ABŞ-da istehsal etməsə, ona 25 faiz rüsum tətbiq edəcək.

“Truth Social”da paylaşım edən ABŞ prezidenti, “Mən “Apple”ın baş direktoru Tim Kuka çoxdan demişəm. Amerikada “iPhone”ların burada istehsal olunacağını gözləyirəm. Hindistanda və ya başqa yerdə deyil” dedi.

Tramp bu şərt yerinə yetirilmədiyi təqdirdə “Apple”ın ABŞ-a ən azı 25 faiz vergi tətbiq edəcəyini açıqlayıb.

***

Tramp keçən həftə Yaxın Şərqə səfəri zamanı “Apple”ın Hindistanda yeni müəssisələrdə istehsal olunacaq “iPhone”ları ABŞ bazarına təqdim etmək fikrini tənqid etmişdi.

Trampın qəzəbindən narahat olan “Apple”, son illərdə istehsalını diversifikasiya etmək üçün Çindən kənarda alternativlər axtarıb.

“ABŞ-da satılan “iPhone”ların əksəriyyəti Hindistanda istehsal ediləcək”, – baş direktor Tim Kuk bu ayın əvvəlində investorlarla görüşdə demişdi.

Lakin Tramp üçün bu axtarış mənasız idi, çünki o, ABŞ-dan başqa heç bir ölkədə “Apple” zavodlarını görmək istəmir.

***

Tramp bildirmişdi ki, “Apple” bu rübdə 900 milyon dollara qədər tariflərlə üzləşə bilər.

Lakin prezidentin keçən ay Çindən gələn elektronika üçün irimiqyaslı tariflərdən imtina etmək qərarı “Apple” üçün böyük qələbə oldu.

“Apple”ın istehsalının təxminən 90 faizi hələ də Çində yerləşir. Bu da şirkəti birbaşa Trampın ticarət siyasətinin təsiri altına salır.

***

Keçən həftə Ər-Riyadda Tim Kuk ilə görüşən Tramp, daha sonra Qətərdəki çıxışında “Timlə bir az problemim vardı. Dedim ki, “Tim, sən mənim dostumsan. Mən sənə çox yaxşı davrandım. 500 milyard dollarlıq sərmayə ilə gəlirsən, amma indi eşidirəm ki, Hindistanda istehsal edirsən. Bunu istəmirəm”, – dedim.

Kukun bu həftə Ağ Evdə Trampla yenidən görüşdüyü bildirilir, lakin görüşün məzmunu açıqlanmır.

“Apple” bu ilin əvvəlində Trampın təzyiqinə cavab olaraq ABŞ-ın 500 milyard dollarlıq yeni sərmayəsini açıqlamışdı.