ABŞ-da keçmiş və indiki prezidentlərin mühafizəsinə cavabdeh olan Məxfi xidmət, dünən (iyunun 3-də) Floridada prezident Donald Trampın Mar-a-Laqo malikanəsinin divarını aşmağa cəhd edən şəxsin saxlanıldığını açıqlayıb.

ABŞ mətbuatında yer alan xəbərlərə görə, şübhəli 23 yaşlı Entoni Tomas Reyes hüquq-mühafizə orqanlarına verdiyi ifadəsində Trampa “İncil yaymaq” üçün malikanəyə girmək və 18 yaşlı nəvəsi Kay Trampla evlənmək istədiyini bildirib.

***

“Fox News”un məlumatına görə, “Palm Beach” Polis Departamentində saxlanılan Reyes yeni il gecəsi Mar-a-Laqoya qanunsuz daxil olmağa cəhd etdikdən sonra saxlanılıb.

İlk dəfə “məhdudiyyət” ittihamı ilə saxlanılan Reyes 1000 dollar girov qarşısında azad olunmuşdu. “Palm Beach” polis idarəsinin qeydlərinə görə, şübhəlinin girovu daha sonra 50.000 dollara qədər artırılıb. Hadisə zamanı prezident Trampın paytaxt Vaşinqtonda olduğu bildirilib.

***

ABŞ Məxfi Xidməti “Fox News Digital”a bildirdi ki, dünən səhər Florida ştatındakı Mar-a-Laqo Klubunun mülkünü pozan bir adam “Palm Beach” Polis Departamenti tərəfindən saxlanılıb. Açıqlamaya görə, şübhəli gecə yarısından az sonra Mar-a-Laqonun kənarındakı hasara dırmaşması nəticəsində həyəcan verilib. Məxfi xidmət əməkdaşları tərəfindən ilk olaraq hadisə yerində saxlanılan şübhəli daha sonra “Palm Beach” polisinə təhvil verilib və “məxfilik” maddəsi ilə ittiham edilib.

Kay Tramp prezident Trampın oğlu kiçik Donald Tramp və Vanessa Trampın qızıdır.