ABŞ prezidenti Donald Tramp Şimali Karolinadakı “Fort Bragg” bazasında təşkil edilən mərasimdə Los-Ancelesdə miqrantların həbs dalğasına cavab olaraq başlayan etirazları və gündəmi dəyərləndirib.

Tramp Los-Ancelesdəki hadisələrin qəbuledilməz olduğunu və əyalət hökumətinin səriştəsiz olduğu üçün asayişi bərpa etmək üçün hərəkətə keçdiyini iddia edib.

Etirazçıların əksəriyyətinin pul üçün zorakılığa məruz qaldığını iddia edən Tramp, “Onlar qürurla başqa ölkələrin bayraqlarını daşıyırlar, amma Amerika bayrağını daşımırlar. Sadəcə onu yandırırlar. Amerika bayrağını yandıranlar 1 il həbs cəzası almalıdır”, – deyib.

Los-Ancelesə minlərlə Milli Qvardiya göndərməsə, şəhərin yandırılaraq yerlə-yeksan ediləcəyini deyən Tramp, Kaliforniya qubernatoru Qeyvin Nyusomu bacarıqsız adlandırıb.

***

ABŞ-ın Los-Anceles şəhərində İmmiqrasiya və Gömrük Mühafizəsi (ICE) tərəfindən saxlanılan qeyri-qanuni mühacirlərə dəstək nümayişləri davam edərkən, Tramp administrasiyası hadisələrə sərt reaksiya verib.

ABŞ prezidenti Tramp əvvəlcə Los-Ancelesdəki etirazları yatırmaq üçün bölgəyə 2000-ə yaxın Milli Qvardiya əsgəri göndərildiyini, daha sonra əlavə 2000 mühafizəçi və 700 dəniz piyadasının təyin edildiyini açıqladı.

Kaliforniya qubernatoru Nyusom Trampın federal səlahiyyətlərini aşdığını və ştatların yurisdiksiyasında Milli Qvardiyanın istifadəsinə müdaxilə etdiyini iddia etdi və bunu dayandırmaq üçün federal məhkəməyə müraciət edib.