ABŞ-ın ticarət naziri Lutnik 68 mindən çox insanın sərmayə müqabilində yaşayış hüququnun verilməsini nəzərdə tutan “Qızıl kart”la maraqlandığını bildirib.

Bildirilib ki, ABŞ Prezidenti Donald Trampın ictimaiyyət arasında “Qızıl kart” kimi tanınan və 5 milyon dollarlıq sərmayə müqabilində ABŞ-da qanuni yaşayış hüququnun verilməsini nəzərdə tutan proqramına 70 minə yaxın adam müraciət edib. Bildirilib ki, kartı almaq üçün növbə siyahısında 68 703 nəfər var.

“Financial Times”a (FT) görə, ABŞ-ın ticarət naziri Hovard Lutnik və onun nazirliyi proqramla maraqlananların qeydiyyatdan keçməsi üçün keçən həftə “trumpcard.gov” saytını açıb. İstifadəçilərdən əsas əlaqə məlumatlarını, adlarını, e-poçt ünvanlarını və yaşadıqları dünyanın hissəsi haqqında məlumatları paylaşmaları istənilib.

Lutnik bazar ertəsi səhər elan etdi ki, gözləmə siyahısında 67 697 nəfər var. Bir saat ərzində bu rəqəm 68 703-ə yüksəldi.

***

ABŞ Ticarət Naziri qəzetə deyib ki, "Kart qızıldan olacaq. Gözəl olacaq... Donald Tramp bu cür şeyi yüksək qiymətləndirir. O, necə göründüyünə əhəmiyyət verir. Necə hiss etdiyinə əhəmiyyət verir. Deməli, bu məsələyə çox əhəmiyyət verir; düşünür ki, əgər bunu alacaqsansa, Amerikada bu investisiyanı edəcəksənsə, sənə gözəl bir şey verməliyik".

Lutnik izah edib ki, viza ideyası Trampa ianə verən milyarderlərdən biri Con Paulsondan gəlib.

Məsələ ilə bağlı məlumatlı mənbələrin verdiyi məlumata görə, ABŞ Ticarət Departamenti yay boyu on minlərlə “kozır” çap etməyi planlaşdırır. Lutnik 200 min vizanın ABŞ Xəzinədarlığına 1 trilyon dollar gətirəcəyini də bildirib.

May ayında Trampın Körfəz turuna qatılan və Səudiyyə Ərəbistanı, Qətər və Birləşmiş Ərəb Əmirliklərinə (BƏƏ) gedən Lutnik də orada “Qızıl kartı” təbliğ edib: "Mən nə vaxt beynəlxalq rəhbərlərlə görüşsəm, həmişə onlarla birlikdə oluram və onlara “Qızıl kart” satıram ... özümü saxlaya bilmirəm”.