ABŞ prezidenti Donald Tramp idxal edilən misə 50 faiz gömrük rüsumunun tətbiq ediləcəyini açıqlayıb. Yeni tariflərlə yanaşı “BRİCS” ölkələrinə qarşı sanksiyaların da gündəmdə olduğunu bildirən Tramp, ““BRİCS” dolları məhv etməyə çalışır, buna icazə verməyəcəyəm” deyib.

Tramp Ağ Evdə keçirdiyi kabinet iclasında iqtisadiyyatla bağlı açıqlamalar verib. Dərman tarifləri ilə bağlı tezliklə açıqlama verəcəklərini ifadə edən Tramp, ABŞ-da istehsala başlamaq üçün şirkətlərə 1-1,5 il vaxt verəcəklərini qeyd edib.

Tramp, “Bu müddətin sonunda, 200 faizlik çox yüksək gömrük rüsumuna məruz qalacaqlar”, – deyib.

Daha əvvəl polad, alüminium, taxta-şalban və avtomobil kimi sahələrdə sektor tarifləri elan etdiklərini xatırladan Tramp, mis idxalına gömrük rüsumlarını bu gün açıqlayacaqlarını bildirib.

Misə tarif dərəcəsi ilə bağlı suala Tramp, “Bunu 50 faizlə edəcəyik”, – deyib.

Tramp həmçinin tezliklə çiplərə tarifləri açıqlayacağını da qeyd edib.

***

Tramp, Avropa Birliyinə (AB) tarif məktubu göndərməyə yəqin ki, iki gün qaldıqlarını və məktubların həm də ticarət razılaşması olduğunu bildirib.

ABŞ prezidenti Tramp ölkələrə göndərdikləri məktublarda “25 faiz, 35 faiz ödəyirsiniz” dediklərini bildirib. Bununla belə, yüksək ticarət kəsiri olan bəzi ölkələr və onlara ticarətdə pis münasibət bəsləyən ölkələr yüzdə 60, 70 faiz dərəcələri ilə üzləşə bilər.

Tramp həmçinin “BRİCS” üzvlərinin əlavə 10 faiz gömrük rüsumu ödəyəcəyini açıqlayıb və bu ölkələrə tariflərin tezliklə açıqlanacağını bildirib.

Tramp “BRİCS”-in “dolları məhv etməyə çalışdığını” iddia edib və buna imkan verməyəcəyini vurğulayıb.

***

Ölkələrin ABŞ-da iş görmək istədikləri təqdirdə sövdələşmələr etməli olduqlarını ifadə edən Tramp, “Başqa ölkələrin tətbiq etdiyi tariflər gülüncdür. Mən o ölkələrə zəng edirəm və onların hər biri bizə hər şeyi verməyə hazırdır. Deyirlər ki, sizdən heç bir tarif tələb etməyəcəyik. Bazarlarımıza girişinizi təmin edəcəyik, sizə hər şeyi verəcəyik”.

Daha çox ticarət sövdələşməsinin olub-olmayacağı sualına Tramp, “Bəli, amma sövdələşmələr əsasən mənim sövdələşmələrimdir”, – cavabını verib.

Ölkələri incitmək istəmədiklərini vurğulayan Tramp əksər hallarda onlardan alınandan daha aşağı rəqəm seçdiklərini qeyd edib.

Tramp daha çox sövdələşmələr edə biləcəklərini, lakin bunun vaxt tələb etdiyini və işləri çətinləşdirdiyini vurğulayıb.

***

ABŞ Kənd Təsərrüfatı Naziri Bruke Rollins, Çinin ölkənin hərbi bazaları yaxınlığında kənd təsərrüfatı torpaqları almasının milli təhlükəsizlik məsələsi olduğunu ifadə etdikdən sonra, Tramp son vaxtlar Çinlə çox yaxşı münasibət qurduğunu bildirib.

Çinlə yaxşı anlaşdıqlarını vurğulayan Tramp, “Ticarət müqaviləmizdə çox ədalətli oldular. Ümid edirəm ki, bizim əla əlaqələrimiz var. Onlar böyük, güclü ölkədir. Mən prezident Si (Cinpin) ilə çox yaxşı anlaşıram, tez-tez danışırıq”, – deyib.