ABŞ Prezidenti Donald Tramp, Rusiya Prezidenti Vladimir Putin ilə bu gün (avqustun 15-i) Alyaskada keçirəcəyi görüşün yaxşı keçməsi halında, Rusiya və Ukrayna liderlərini bir araya gətirəcək ikinci görüşə bəzi Avropa liderlərini də dəvət edə biləcəyini bildirib.

ABŞ Prezidenti Tramp, Ağ Ev Sarayda Sosial Təminat Qanununun 90 illiyi münasibətilə təşkil olunan mərasimdə jurnalistlərə Rusiya-Ukrayna prosesini şərh edib.

Tramp bu gün Alyaskada Putin ilə keçirəcəyi görüşün əhəmiyyətinə diqqət çəkərək, bu görüşün Rusiya-Ukrayna Müharibəsini sona çatdıracaq addımların atılması baxımından həyati önəm daşıdığını vurğulayıb.

ABŞ Prezidenti bildirib: “Prezident Putin sülhə gedəcək, eyni şəkildə Ukrayna Prezidenti Vladimir Zelenski də. Bu gün vacib bir görüşümüz var, nələr olacağını görəcəyik, amma daha vacib olan əsas ikinci görüşdür”.

Zirvədən nə çıxacağını hələ bilmədiyini deyən Tramp əlavə edib: “Əgər görüş pis keçsə, çox tez başa çatacaq. Yaxşı keçsə, çox yaxın gələcəkdə sülh əldə edəcəyik”.

***

Görüşdən çıxacaq nəticəyə görə Putin ilə Zelenskini bir araya gətirəcək ikinci görüşü ən qısa zamanda təşkil etmək istədiyini bildirən Tramp qeyd edib: “Bugünkü görüş, məqsədi hazırlamaq ikinci görüşü olacaq. (İlk görüş yaxşı keçsə) Putin, Zelenski və mən bir görüş keçirəcəyik, bəlkə bəzi Avropa liderlərini də dəvət edəcəyik, bəlkə də etməyəcəyik”.

Putin ilə Zelenski arasındakı mümkün görüşün əvvəl atəşkəs, sonra isə barış müqaviləsinə aparan yolda vacib olacağını vurğulayan Tramp: “Bu iki şəxs razılaşa biləcəklərmi, əgər razılaşsalar, bu əla olar”, – deyə bildirib.

Bundan əlavə, Tramp, Rusiyanı inandırmaq üçün Polşa kimi bəzi ölkələrdə NATO əsgərlərinin sayını azaltmağı düşünüb-düşünmədiyi sualına hələ belə bir mövzunun gündəmə gəlmədiyini söyləyib.

ABŞ Prezidenti Donald Tramp və Rusiya Prezidenti Vladimir Putin, bu gün (avqustun 15-i) Alyaska ştatının Ankoric şəhərində görüşəcək.

Tramp bu mövzuda “Fox News Radio”ya verdiyi müsahibədə, Putin ilə görüşdən ümidli olduğunu, amma dərhal atəşkəsin təmin olunacağından əmin olmadığını bildirmişdi.