ABŞ-ın və dünyanın tanınmış hakimlərindən Frank Kaprio 88 yaşında həyatını itirdi. Rod-Aylend ştatında demək olar ki, 40 il boyunca Providens Bələdiyyə Məhkəməsində xidmət edən və “Caught in Providence” televiziya proqramı ilə dünya üzrə məşhurlaşan hakim Frank Kaprionun vəfatı xəbəri oğlu tərəfindən açıqlanıb.

Kaprio xüsusilə məhkəməyə gələn vətəndaşların hekayələrini dinləyib cəza azadlığı ilə nəticələnən qərarları ilə milyonların sevgisini qazanmışdı. Sosial mediada tez-tez viral olan görüntüləri ona “xalqın hakimi” ləqəbini qazandırmışdı.

Təhsil müəssisələrində uzun illər xidmət

Providensdə böyüyən Kaprio gəncliyində ayaqqabı parlatma və qəzet paylama işləri ilə məşğul olmuşdu. Daha sonra hüquq təhsilini bitirərək 1985-ci ildə hakim seçildi. 2021-ci ildə televiziya proqramı “Daytime Emmy” mükafatına namizəd göstərilmişdi. Həmçinin təhsil müəssisələrində uzun illər xidmət edib və atasının adını daşıyan müxtəlif təqaüd fonları yaratmışdı.

2023-cü ilin yanvar ayında təqaüdə çıxan Kaprionun adı həmin ilin oktyabr ayında Providens Bələdiyyə Məhkəməsinə verildi.

Dekabr 2023-cü ildə pankreas xərçəngi diaqnozu qoyulan hakim, son olaraq ötən may ayında müalicəsini tamamladığını açıqlamışdı.

Kaprionun dəfn mərasimi ilə bağlı detallar hələ paylaşılmayıb.