NATO Rusiya ilə əməkdaşlığı genişləndirməkdən imtina etmir və xatırladır ki, bloka yeni üzvilərin qəbulu Rusiya Federasiyasına qarşı yönəlmiş addım deyil. AzVision.az-ın Rusiya KİV-nə istinadən verdiyi məlumata görə, bu barədə NATO-nun baş katibi Anders Foq Rasmussen bildirib.

«Ukraynadakı hadisələr diqqətlə izləyirik. Bəli, biz hazırlığı artırmalı, təhlükələrin qiymətləndirilməsi prinsiplərini dəyişməli, yeni çağırışları nəzərə almalı, kəşfiyyatımızı təkmilləşdirməliyik. Lakin bizim Rusiya ilə qurduğumuz münasibətlər olduqca unikaldır - Rusiya NATO Şurası fəaliyyət göstərir, birgə sammitlər keçirilirdi. Biz Rusiya əleyhinə bloka yeni üzvlər qəbul etməli deyilik, əksin Rusiyanı dialoq və əməkdaşlığa cəlb etməliyik», - deyə Rasmussen bildirib.