Azərbaycanda mənzil problemini dövlət xətti ilə ayrılan ipoteka kreditləri hesabına həll edə bilməyənlər bankların daxili ipoteka proqramından yararlana bilərlər. Məlumata görə, hazırda Azərbaycanda 11 bank müştərilərə öz ipoteka proqramını təqdim edir. Bu banklardan ipoteka kreditlərini illik 10 faizdən 22 faizədək kreditlə, 5 -25 illiyə götürmək mümkündür. İlkin ödəniş isə elə dövlət ipotekasında olduğu kimi, 20-30 faizdən başlanır.

«Accessbank»da kreditin illik faiz dərəcəsi ilkin ödənişdən və kreditin məbləğdən asılıdır. Məsələn, müştəriyə ayrılan kredit 20 min manatdan az olanda faiz dərəcəsi 20-22 faiz olur. Kreditin məbləği 20-80 min manat arasında dəyişdikdə illik faiz dərəcəsi 14-18 faiz olur. 80-100 manat civarında dəyişən kreditləri isə illik 12 faizlə götürmək mümkündür. İpoteka predmeti olan mənzilin dəyərinin azı 50 faizini ödəyənlərə mümkün qədər aşağı faiz dərəcəsi təklif olunur.

«Azər-Türk Bank»da isə illik faiz dərəcəsinin konkret həddi kreditin məbləği, müddəti və ilkin ödənişdən əlavə müştərinin ödəniş qabiliyyətindən, kredit tarixçəsindən asılı olaraq fərdi qaydada müəyyən olunur.

«Bank Respublika»da isə illik 12 faizlə kredit götürmə istəyənlər ilkin ödəniş tələbini 70% yerinə yetirməlidirlər. İlkin ödəniş 50-70 faiz olduqda kredit illik 13,5 faizlə, 30-50 faiz olduqda isə 15 faizlə verilir.

«Rabitəbank»da isə faiz dərəcəsi əmək haqqını bu bank vasitəsilə alan müştərilər ücün alınan mənzilin dəyərinin 50 faizi əvvəlcədən ödənildiyi halda illik 14 faiz, 30 faizi əvvəlcədən ödənildiyi halda isə  illik 15 faizdir. Başqa bank vasitəsilə maaş alanlar üçün isə ipoteka krediti müvafiq olaraq ilkin ödənişdən asılı olaraq 15,75-16,75 faizlə verilir.

«Yapı Kredi Bank-Azərbaycan»da isə ipoteka kreditinin illik faiz dərəcəsi müddətdən asılıdır. Krediti 12 aya qədər 17 faizlə, 12-24 ay ərzində 18 faizlə, 24-36 ay ərzində 19 faizlə, 36-60 ay ərzində isə 24 faizlə götürmək olur.

«Azərbaycan Beynəlxalq Bankı»nın və «Bank Technique»in ipoteka kreditləri yalnız konkret yaşayış komplekslərində (AFPARK (Xırdalan), YENİ HƏYAT) yerləşən mənzilləri üçün nəzərdə tutulub.

Fins.az ayrı-ayrı banklarda alternativ ipotekanın şərtlərini təqdim edir: