«The Washington Post» qəzeti və «ABC News» telekanalının birgə keçirdiyi sorğuya əsasən ABŞ vətəndaşlarının böyük əksəriyyəti prezident Barak Obama və Konqresin işindən narazıdır.

AzVision.az-ın məlumatına görə, sorğuda iştirak edən amerikalıların 51 faizi Obamanın prezidentlik dövrünün ABŞ üçün uğursuz olduğunu bildirib.

ABŞ əhalisinin 77 faizi Konqresin işindən narazıdır. Rəyi soruşulan şəxslərin respondentlərin 61 faizi demokratlardan, 72 faizi isə respublikaçılardan narazıdır.

ABŞ vətəndaşlarının Obamanın Rusiya və Ukrayna ilə bağlı siyasətinin qiymətləndirilməsi ilə bağlı da fikirləri də ikiyə bölünüb: Respondentlərin 43 faizi prezidentin çox ehtiyatlı olduğunu düşünür. Digər 43 faiz isə onun apardığı siyasətin düzgün olduğunu bildirib. ABŞ vətəndaşların 14 faiz isə bununla bağlı fikir bildirməkdən imtina edib.

Rəyi soruşulanların 55 faizi «güclü lider» ifadəsinin Obama barəsində işlədilməsinin yolverilməz olduğunu bildirib.

Sorğu 4-7 sentyabr tarixlərində 1001 ABŞ vətəndaşı arasında aparılıb.