ABŞ prezidenti Donald Trampın vəzifəyə başlamasının ardından çox müzakirə edilən qərarları yeni bir mübahisəni ortaya çıxarıb. Modern.az xarici mediaya istinadən xəbər verir ki, Trampın bütün dünyanın reaksiyasını çəkən qərarlara imza atmasının ardından ABŞ-da dövlət çevrilişi ssenariləri də gündəmə gəlməyə başlayıb.

«Amerika Foreign Policy» jurnalında bir yazı qələmə alan Corctaun Universitetinin hüquq professoru Rosa Brooks, Trampın prezidentlikdən necə uzaqlaşdırılacağına dair ehtimalları yazıb.

Brooks, ehtimallar arasında hərbi çevrilişin ola biləcəyini də bildirib.

O, yazısında bu ifadələrə yer verib: «Trampdan xilas olmağın əslində dörd yolu var. Əlbəttə, ilk olaraq hər kəs 2020-ci il seçkilərini gözləyəcək. Amerika seçicilərinin yəqin ki, ağlı başına gələcək və onu vəzifədən atmağa hazır olacaqlar.

Ancaq belə bir dəhşətli fəlakətin ardından dörd il gözləmək uzun bir zaman kimi görünür. Bu bizə ikinci variantı qarşımıza gətirir: «Vəzifədən kənarlaşdırma».

Amerika Konstitusiyasında Nümayəndələr Məclisinin sadə əksəriyyəti Trampı vətən xainliyi, rüşvət və digər yüksək cinayətlər ilə ağır pozuntulardan dolayı uca divanda günahlandıra bilərlər. Əgər Tramp Senatda üçdə iki səsverməyə məhkum olarsa, Tramp vəzifədən kənarlaşdırmaq olar. Onsuz da amerikalıların üçdə birindən çoxu Trampın həbsə atıldığını görmək üçün əsəbiləşir».

Hüquq professoru Rosa Brooks yazısında, həmçinin, başqa bir ehtimaldan da yazır. O qeyd edir ki, bu, yaxın vaxta qədər Amerika Birləşmiş Ştatlarında düşünülməyən hərbi çevriliş ehtimalıdır. Bu ehtimala hərbi liderlərin Trampın əmrlərinə tabe olmalarını rədd etməsi də daxildir.

Keçdiyimiz aylarda da «Vaşinqton Post» qəzetində bir yazı qələmə alan Coş Rogin, Trampın Obama dövründəki yüksək səviyyəli zabit və generalları ləğv edəcəyini demiş, mülki-hərbi münasibətlərdə dərin çatlaqlara səbəb olacağını bildirmişdi.

Rogin yazırdı: «Tramp İraq-Şam İslam Dövləti (İŞİD) ilə mübarizədə yer üzündəki bütün generallardan daha çox şey bildiyini iddia edib. Əlavə olaraq Obama dövründəki komandirləri çınqıl yığını kimi qiymətləndirib. Prezident seçilən Tramp yəqin ki, 30 gün içərisində yüksək səviyyəli generalları toplayacaq. Amma bu yəqin ki, fərqli generallar olacaq».