vaxtlı-vaxtında oxuyun! Bazar, 25 avqust 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mustafa Kamal Atatürk (1881 - 1938)

«Uca Türk, sənin üçün yüksəkliyin hüdudu yoxdur»

Mustafa Kamal Atatürk (1881 - 1938)
BÖHRAN  
16:30 | 9 fevral 2019 | Şənbə Məqaləyə 909 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Dəlilləri tapılıb

Xaşuqcinin qətli ilə bağlı istintaqın rəyi açıqlandı

MÖVZU İLƏ ƏLAQƏLİ

Səudiyyəli jurnalist Camal Xaşuqci öldürülməzdən bir il öncə vəliəhd şahzadə Məhəmməd bin Salman yardımçısına deyib ki, əgər jurnalist ölkəyə geri dönməsə və hökuməti tənqid etməyə son qoymasa, o, Xaşuqcini güllə ilə vuracaq.

“Amerikanın Səsi” bildirir ki, bu barədə “New York Times” qəzeti bugünkü sayında məlumat yayıb. Qəzet kəşfiyyat hesabatlarından xəbərdar olan ABŞ və xarici rəsmilərə istinadən bildirib ki, vəliəhd şahzadə yardımçısına bu sözləri Xaşuqci ötən oktyabr ayında Səudiyyə Ərəbistanının İstanbuldakı konsulluğunda öldürülmədən çox öncə, 2017-ci ildə söyləyib. Qəzetdə şahzadənin danışığının Amerikanın kəşfiyyat idarələrinin əlinə keçdiyi qeyd edilib.

ABŞ-ın kəşfiyyat təhlilçiləri “güllə” sözünə metaforik məna verib. Yəni onlar vəliəhd şahzadənin Xaşuqcinin mütləq güllələnməsini istəmədiyini söyləyib. Lakin deyib ki, bu, şahzadənin Xaşuqcini ölkəyə geri dönmədiyi təqdirdə ​öldürmək niyyətində olduğuna işarə edib. İlk olaraq Xaşuqcinin yoxa çıxması ilə bağlı hər hansı məlumata sahib olduğunu inkar edən Ər-Riyad daha sonra ziddiyətli açıqlamalar verib və o zamandan bəri şahzadənin onun ölümündə əli olmadığını təkid edir.

Səudiyyə Ərəbistanının Vaşinqtondakı səfirliyinin nümayəndələri, Mərkəzi Kəşfiyyat Agentliyi və Milli Təhlükəsizlik idarəsi “Reuters”in “New York Times”da dərc olunan xəbərlə bağli şərh vermək tələbinə cavab verməyiblər. ABŞ kəşfiyyat agentlikləri cəsədi hissələrə bölünən Xaşuqcinin qətl əməliyyatına vəliəhd şahzadənin göstəriş verdiyinə inanır. Birləşmiş Ştatlar jurnalistin qətlində əli olan 17 səudiyyə rəsmisinə sanksiyalar tətbiq edib. Lakin ABŞ prezidenti Donald Tramp vəliəhd şahzadənin yanında olduğunu söyləyib. Xaşuqcinin qətlini təhqiq edən Birləşmiş Millətlər Təşkilatının insan haqları müstəntiqi Türkiyədə bir həftəlik səfərdədir və onun cümə axşamı İstanbulun baş prokuroru ilə görüşəcəyi gözlənilir.

ABŞ-ın başçılığı ilə Xaşuqcinin qətli ilə bağlı aparılan istintaq cümə axşamı amansız qətlin səudiyyə rəsmiləri tərəfindən planlaşdırıldığını və yerinə yetirildiyinə  dair dəlilin olduğunu bildirib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *