vaxtlı-vaxtında oxuyun! Bazar ertəsi, 25 may 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
GÜNDƏM  
14:47 | 25 aprel 2018 | Çərşənbə Məqaləyə 878 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Moskva necə reaksiya verəcəyini bilmir”

Qərb mətbuatı: “Ermənistandakı hadisələr Putin sisteminə qarşı qazanılan qələbədir”

MÖVZU İLƏ ƏLAQƏLİ

Ermənistandakı hadisələr Qərb mətbuatında Putinin növbəti məğlubiyyətlərindən biri kimi səciyyələndirilir. Bunu dünya qəzetlərində çıxan rəy və icmallardan görmək mümkündür.

“Ermənistan prezidenti Serj Sərkisyan Putinin sadiq müştərisi olub. Lakin o, hakimiyyət dəyişikliyində klassik Putin manevrini həyata keçirdiyi zaman vətəndaşların qəzəbini düzgün qiymətləndirmədi”, - “The Washington Post” qəzeti yazır.

“Serj Sərkisyanın gedişinin Ermənistanda həqiqətən nələrinsə dəyişdirəcəyinə və onun Ruisya ilə kölə mövqeyi ilə bağlı dəyişiklik yaradacağını indidən söyləmək çətindir. Lakin xalq üsyanının Putinin avtoritar sisteminə vurduğu zərbə aşkardır”, - yazıda qeyd olunub.

Məqalə müəllifi V.Putinin Serj Sərksiyanın yerinə keçəcək istənilən baş naziri küncə sıxışdıracağına şübhə etmir. “Bəlkə də bu ermənilərin bandit, korrupsiyalaşmış və iqtisadi cəhətdən iflasa məhkum olan bir modelə, yəni putinizmə müqavimətini daha da artırar”.

“The Wall Street Journal”dan Tomas Qrouv Serj Sərkisyanın istefasını keçmiş sovet respublikalarında vətəndaş etirazlarının nadir qələbələrindən biri hesab edir.

“Moskva üçün ən əsas aksiyalarda Ermənistanın geopolitik kursunun mübahisələndirilməməsidir. Hələ ki Rusiya strateji “arxa qapısı” hesab etdiyi regiondakı hadisələrə gözlənilməz halda sakit reaksiya verir”, - məqalədə qeyd olunur.

“Rusiya və ona bağlı erməni biznesi Ermənistan iqtisadiyyatının əhəmiyyətli hissəsinə nəzarət edir və bu səbəbdən Serj Sərkisyanın istefası çətin ki, xarici siyasi kursunda ciddi dəyişiklik yaratsın”, - Tomas Qrouv proqnozlaşdırır.

“Carnegie Endowment for International Peace” analitik mərkəzindən Tomas de Vaal “Foreign Policy” jurnalı üçün yazdığı yazıda Sərkisyanın yıxılmasının geopolitika ilə əlaqəsinin olmadığını qeyd edir.

“Ermənistandakı hadisələr postsovet ölkələrindəki rejimlərin deyilən qədər möhkəm olmadığını, habelə xarıcdən hər hansı bir təkan olmadan yıxıla biləcəyini göstərir”, - müəllif iddia edir.

“23 aprel hadisələri yalnız bir adamın istefası ilə bağlı deyil. Bu 20 il ərzində formalaşmış, biznes və siyasətin bir-birinə qarışdığı, Qarabağ münaqişəsinin cinayətkar ünsürlərinin və veteranlarının ölkə iqtisadiyyatının gəlirli sahələrini öz əlinə keçirməsinə şərait yaradan sistemin doğurduğu situasiyadır”, - de Vaal belə bir nəticəyə gəlir.

“The Daily Beast” saytının icmalçısı Anna Nemtsova isə Serj Sərksiyanın tipik postsovet avtoritar lider olduğunu qeyd edərək, onun başına gələnləri digər MDB ölkələri üçün nümunə hesab edir.

“Bizim olduqca sadə gündəmimiz olub. Biz sadəcə Serj Sərkisyanı devirməyi düşündük. Heç kim Moskva haqqında fikirləşməyib. Ermənilər Ermənistandakı siyasətə, Sərkisyana etiraz ediblər”, - müəllif erməni politoloqu Artur Paronyandan rəy alıb. Paronyanın fikrincə, Kremlin hadisələrə qarışmamasında əsas səbəb onun Ukraynadakı hadisələrin təkrarlanacağı qorxusu ilə bağlıdır.

Kremlə yaxın politoloq Sergey Markov isə ənənəvi olaraq rusların başına gələn bütün bəlaların baiskarı olaraq gördüyü Corc Sorosu günahlandırıb. Onun sözlərinə görə, Ermənistandakı inqilab Moskvanı şoka salıb. “Belə bir mühüm hadisə bizim telekanallar tərəfindən olduqca sönük göstərildi, ona görə ki Moskvada hələ ki necə reaksiya verəcəklərini bilmirlər”, - Markov bildirib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *