vaxtlı-vaxtında oxuyun! Bazar ertəsi, 26 avqust 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
GÜNDƏM  
18:17 | 7 avqust 2019 | Çərşənbə Məqaləyə 449 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kütlənin diqqəti

Paşinyan ermənilərin emosional hisslərinə toxunmaqla öz müdafiəsini düşünür

Elçin MİRZƏBƏYLİ

MÖVZU İLƏ ƏLAQƏLİ

Baş nazir Nikol Paşinyanın Ermənistanın işğalı aıtında olan Azərbaycan torpaqlarına səfəri zamanı Xankəndində keçirilən aksiyada səsləndirdiyi fikirlər bir neçə gündür ki, ölkə KİV-də müzakirə olunmaqdadır.

Medianın əsas diqqəti Paşinyanın Azərbaycanın işğal altındakı ərazilərinin ilhaqı barədə sərsəmləmələrinə yönəltməsi də təbii qəbul olunmalıdır. Çünki bizim üçün prioritet məsələ ərazilərimizin erməni işğalından azad edilməsidir.

Amma erməni baş nazirin çıxışında diqqət çəkən və bir sıra məqamların gün işığına çıxarılmasına imkan yaradan istiqamətlər də var.

Paşinyanın Xankəndindəki çıxışının ana xəttini separatçı rejimin başına öz nümayəndəsinin gətirilməsi perspektivi təşkil edir. Erməni baş nazirin konsensusa gəlinməli olan məsələlərlə bağlı söylədikləri də bunu sübuta yetirir. Məsələn, Paşinyan hesab edir ki, daxili proseslərdə güc amilindən imtina edilməlidir. Bu separatçı ərazidə keçirilməsi nəzərdə tutulan qondarma seçkilərdə sabiq prezidentlər- Köçəryan və Sarkisyana məxsus hərbi qruplaşmaların silahlı müqavimət göstərə biləcəkləri ehtimalından doğan narahatlığın ifadəsi kimi də qəbul oluna bilər. Çünki Nikol qondarma seçkilərin məhz onun nəzarəti altında keçirilməsini istəyir. Bu amil baş nazirin çıxışında da öz əksini tapıb. Paşinyan deyir: “Ermənistan öz növbəsində “Qarabağ xalqı”nın öz azad iradəsini ifadə etməsinin qarantı kimi çıxış etməli, bununla “legitim hakimiyyət”in formalaşmasına zəmanət verməlidir”. Göründüyü kimi, erməni baş nazirin bu fikirlərində “seçki”lərin onun nəzarəti altında keçiriləcəyi açıq-aşkar bildirilir. Paşinyan bu günədək separatçı bölgədə keçirilən “seçki”lərin, o cümlədən separatçıbaşı Bako Saakyanın da “legitim” olmadığını diqqətə çatdırmağı da unutmur və bununla da əslində Ermənistandakı Qarabağ klanına ultimatum verir.

Paşinyanın Xankəndində keçirilən aksiyadakı çıxışında diqqət çəkən başqa bir məqam isə separatçı ərazidə keçirilməsi nəzərdə tutulan “seçki”lərə və Ermənistandakı siyasi proseslərə xarici müdaxilə ehtimalı ilə bağlıdır. Paşinyan deyir ki, “Bizim daxili məsələlərin həllinə xarici qüvvələri cəlb etmək istəyənlər, bizim ölkəmizdə xarici maraqların təmsilçiləri kimi cıxış etməyə cəhd göstərənlər erməni xalqının ən sərt müqavinəti ilə qarşılaşmalıdırlar”. Paşinyanın bu fikirləri də onun Qarabağ klanına xaricdən, çox güman ki, Rusiyadan verilə biləcək dəstəklə bağlı qorxusudur. Ermənistanın baş naziri əvvəlki dəstəyinin olmadığını yaxşı başa düşür və “xarici müdaxilə” amilini qabartmaqla kütlənin emosional hisslərinə toxunmaqla ilk növbədə öz müdafiəsini təşkil etmək istəyir. Onun “Dağlıq Qarabağın Ermənistana birləşdirilməsi” ilə bağlı fikirləri də populizmdən və kütlənin diqqətini cəlb etməkdən başqa bir şey deyil.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *