vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
AKTUAL  
00:57 | 15 may 2022 | Bazar Məqaləyə 976 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Rusiyaya gedirik”

Cənubi Osetiya separatçıları ruhlanıb

MÖVZU İLƏ ƏLAQƏLİ

Gürcüstanın separatçı Cənubi Osetiya regionunun lideri cümə günü iyulda Rusiyaya qoşulmaqla bağlı referendumun keçiriləcəyini elan edib. Rusiya 2008-də Gürcüstanla qısa müharibən sonra faktiki olaraq regiona nəzarət edir. Rusiya və çox az sayda başqa ölkə Cənubi Osetiyanı müstəqil dövlət kimi tanıyıb, ancaq dünyanın böyük bir hissəsi regionu hələ də Gürcüstanın bir hissəsi hesab edir.

“Biz bunu etdik,” Cənubi Osetiyanın lideri Anatoli Bibilov cümə günü Telegram kanalında yazıb və referendumu iyulun 17-də təyin edən fərman imzaladığını açıqlayıb.

“Hüquqi dildə desək, biz daha bir mühüm qanuni tələbi yerinə yetirdik” dedi. “Və normal dillə desək, həyatı dəyişdirən bir addım atdıq – biz evə gedirik, Rusiyaya gedirik”, o deyib.

Rusiyanın Ukraynadakı müharibəsi başlayandan təqribən bir ay sonra Bibilov Cənubi Osetiyanın Rusiyaya qoşulmaq üçün lazımı hüquqi addımları atacağını bildirmişdi.

Referendum təxminən Krım nümunəsinə uyğun keçirilir. Rusiya Qara Dənizdəki yarımadanı 2014-cü ildə Ukraynadan ələ keçirəndən sonra, orada Rusiya qoşulmaqla bağlı referendum keçirilmişdi və əhalinin 97 faizinin bunun lehinə səs verdiyi bildirilmişdi. Referendum Krım hələ də Rusiya qoşunlarının nəzarəti altında ikən keçirilmişdi və nəticələr bir çox ölkə tərəfindən tanınmayıb. Bunun ardınca Rusiya Krımı ilhaq etdi.