vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
BÖHRAN  
12:29 | 30 iyun 2022 | Cümə axşamı Məqaləyə 778 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Emmanuelin yalavarışları

Makron Moskvanı göz yaşlarına inandıra bilməyib

MÖVZU İLƏ ƏLAQƏLİ

Fransa nəşrlərindən biri Rusiyanın Ukraynaya hərbi müdaxiləsindən 4 gün əvvəl, yəni 20 fevralda iki ölkənin prezidentinin telefon danışığının stenoqramını yayıb. Telefon zənginin təşəbbüskarı Fransa prezidenti Emmanuel Makron olub. O telefon söhbətində rusiyalı həmkarı Vladimir Putini bölgədə gərginliyi azaltmaq məqsədi ilə Kiyevlə danışıqları bərpa etməklə bağlı ona az qala yalvarıb. Makron hətta Putinə söz verib ki, yaxın günlərdə onunla ABŞ prezidenti Co Baydenin görüşünü təşkil etməyə hazırdır.

Vladimir Putin telefon danışığı boyu Makrona yalançı vədlər verir, məsələn deyir ki, təlimlər bitdikdən sonra Ukrayna ilə sərhəddən Rusiya qoşunlarını geri çəkəcək, guya o dialoqda maraqlıdır və s. Ancaq indi artıq bəllidir ki, Putin Makronla telefonla danışdığı gündən əvvəl Ukraynaya qarşı işğala başlayacağına qərar vermişdi. Makron Putinin belə bir qərarı verdiyini əvvəlcədən bilsəydi, Kreml sahibini uzun-uzadı niyə dilə tutmağa çalışıb? Deməli, Makrona ötürülən kəşfiyyat məlumatları yanlış olub. Elə buna görə, Fransa kəşfiyyatının rəhbəri müharibədən sonra vəzifəsindən istefa verib. Fransa prezidenti Putinin müharibə qərarını aylar və ya həftələr öncə verdiyini bilsəydi, fevralın 20-dəki telefon danışığında ona yalvarmaz, əksinə mümkün müharibənin Rusiya və şəxsən Putin üçün ağır nəticələri olacağını diplomatik dildə izah edərdi.