vaxtlı-vaxtında oxuyun! Bazar, 3 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
AVROPA  
19:19 | 8 dekabr 2022 | Cümə axşamı Məqaləyə 900 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Zaqreb üçün böyük gün

Aİ Xorvatiyanın Şengen zonasına daxil olmasını təsdiqləyib

MURAD

MÖVZU İLƏ ƏLAQƏLİ

Avropa İttifaqı (Aİ) Xorvatiyanın vizasız səyahət zonası olan Şengenə qoşulmasını təsdiqləyib. Aİ-nin Dövriyyə Prezidenti Çexiyanın daxili işlər naziri Vit Rakusan və Aİ Komissiyasının daxili işlər üzrə məsul üzvü İlva Yohansson Aİ daxili işlər nazirlərinin görüşü zamanı mətbuata açıqlama veriblər. Rakusan bildirib ki, nazirlər Xorvatiyanın Şengen zonasına daxil olmasını təsdiqləyiblər.

Rumıniya və Bolqarıstanın Avstriyanın vetosu ilə rədd edilməsinə toxunan Rakusan, “Məncə Rumıniya və Bolqarıstan da Şengen üzvü olmağa hazırdır”, – deyib.

Yohansson buna görə məyus olduğunu bildirib və iki ölkə vətəndaşlarına müraciət edib.

“Siz həm də Şengen üzvü olmağa və sərbəst hərəkət etməyə layiqsiniz. Bir çox üzv dövlətlərin dəstəyini aldınız”. Yohansson iki ölkənin üzvlüyünün gündəmdə qalacağını vurğulayıb.

Son zamanlar sığınacaq üçün müraciətlərin əhəmiyyətli dərəcədə artdığı Avstriya, Bolqarıstan və Rumıniyadan gələnlərin qeyri-qanuni miqrasiyanı artıracağından narahatdır.

Şengenin genişlənməsi üzv dövlətlərin yekdil səsini tələb edir.

Çexiya, Estoniya, Macarıstan, Latviya, Litva, Malta, Polşa, Slovakiya və Sloveniya 2007-ci ildə Şengen zonasına qoşulub.

2008-ci ildə Aİ-nin üzvü olmayan İsveçrə də daxil edilib.

Xorvatiyanın qoşulması ilə 27 ölkənin üzv olduğu Şengen bölgəsinə 60-dan çox ölkənin vətəndaşları vizasız gedə bilər. 100-dən çox ölkənin vətəndaşlarından viza tələb olunur.