ABŞ dövlət katibi Marko Rubio Panamaya ekstradisiya müqaviləsini pozduğunu bildirib xəbərdarlıq edib ki, Panama kanalında “təcili dəyişikliklər” etməsə, ABŞ ona qarşı tədbir görəcək.

Dövlət Departamentinin sözçüsü Tammi Brüs bildirib ki, Rubio Panama prezidenti Xose Raul Molino ilə etdiyi telefon danışığında “mövcud vəziyyətin qəbuledilməz olduğunu və təcili dəyişikliklər edilmədikcə, ABŞ-ın müqavilə üzrə hüquqlarını qorumaq üçün addım atmasını tələb edəcək”, – deyib.

Sözçü həmçinin bildirib ki, Prezident Donald Tramp Çinin Panama Kanalı Zonasına təsirinin və nəzarətinin mövcud vəziyyətinin kanal üçün təhlükə yaratdığı və Panama hökumətinin Daimi Neytrallıq və İstismar Müqaviləsi ilə bağlı müqaviləni pozduğuna dair ilkin qərar qəbul edib.

Tramp kanalı geri almaq üçün hərbi gücdən istifadə etməyi istisna etməyib.

Panama prezidenti kanala hərbi nəzarəti həyata keçirən ABŞ üçün ciddi təhlükə görmədiyini bildirib.

Mulino, “Məncə, hazırda sazişə və ya onun etibarlılığına, hətta kanalı ələ keçirmək üçün hərbi gücdən istifadə edilməsinə də heç bir real təhlükə yoxdur”, – deyib.

Panama prezidenti ABŞ-ın kanalla bağlı narahatlığını aradan qaldırmaq üçün “texniki” danışıqları təklif edir.

Telefon söhbətindən sonra jurnalistlərə açıqlama verən Rubio, “texniki komanda məsələni ABŞ-la müzakirə edə və mövcud ola biləcək şübhələrə aydınlıq gətirə bilər”, – deyib.