ABŞ-da dərc edilən yeni hesabata görə, xarici hökumətlər ölkədəki 50 ən böyük beyin mərkəzinə 110 milyon dollardan çox maliyyə dəstəyi verib, eyni zamanda ABŞ hökuməti və Müdafiə Nazirliyi (Pentaqon) da bu təşkilatlara əhəmiyyətli miqdarda maliyyə ayırıb.

ABŞ-da yerləşən “Quincy” İnstitutu 2019-2023-cü illər arasında ölkədəki beyin mərkəzlərinin ABŞ hökumətindən və xarici dövlətlərdən aldıqları iqtisadi dəstəyin həcmini açıqlayan “Böyük İdeyalar və Böyük Pul: Amerikada Beyin Mərkəzlərinin Maliyyələşdirilməsi” adlı hesabat dərc edib.

İki cavablı beş sualdan ibarət hesabatda ABŞ-ın 50 ən böyük beyin mərkəzinə beş baldan şəffaflıq qiymətləndirilməsi verilib.

Hesabata görə, ölkənin 50 ən böyük beyin mərkəzinin 9-u “tam şəffaf”, 23-ü “qismən şəffaf”, 18-i isə “şəffaf deyil”.

Dünyada ən yaxşı hesab edilən ABŞ-da mənzillənmiş bu təşkilatlar xarici dövlətlərdən, ABŞ hökumətindən və Pentaqondan böyük məbləğdə maliyyə alıblar.

Xarici hökumətlər 2019-2023-cü illər arasında 50 beyin mərkəzinə 110 milyon dollardan çox ianə veriblər.

***

Bu beyin mərkəzlərinə ən çox dəstək verən ölkələr müvafiq olaraq Birləşmiş Ərəb Əmirlikləri (BƏƏ), Böyük Britaniya və Qətərdir.

Siyahıya 16,7 milyon dollar dəstəklə BƏƏ başçılıq edir, Böyük Britaniya 15,5 milyon dollarla ikinci, Qətər isə 9,1 milyon dollarla üçüncüdür.

“Atlantic Council”, “Brookings Institution” və “German Marshall Fund” 2019-cu ildən bəri xarici hökumətlərdən ən çox ianə alan qurumlar sırasındadır.

Bu təşkilatlara 2019-2023-cü illər arasında müvafiq olaraq 20,8 milyon dollar, 17,1 milyon dollar və 16,1 milyon dollar maliyyə ayrılıb.

***

Dünyanın ən yaxşı 100 müdafiə şirkəti də beyin mərkəzlərinə 34,7 milyon dollardan çox vəsait ayırıb.

“Northrop Grumman” bu beyin mərkəzlərinə 5,6 milyon dollar, “Lockheed Martin” 2,6 milyon dollar və “Mitsubishi” 2,1 milyon dollar maliyyə ayırıb.

Pentaqonun bir çox beyin mərkəzlərinə əhəmiyyətli miqdarda iqtisadi dəstək verməsi də diqqətəlayiq idi.

ABŞ Müdafiə Nazirliyinin ən çox ianə verdiyi beyin mərkəzləri 10,2 milyon dollarla “Atlantic Council”, 6,6 milyon dollarla “Center for New American Security” və 4,1 milyon dollarla "Center for Strategic and International Studies" olub.

ABŞ hökuməti də beyin mərkəzlərinə ən azı 1,49 milyard dollar maliyyə ayırıb. Həmin maliyyənin 1,4 milyard dolları “hökumət üçün işləyən Rand Korporasiyası”na verilib.