Almaniyada dünən keçirilən ümumi seçkilərdə 19 türk əsilli namizəd Federal Məclisə (Bundestaq) millət vəkili kimi daxil olmaq hüququ qazanıb. Ümumi seçkilərin tam dəqiqləşməyən rəsmi nəticələrinə görə, Federal Parlamentin 21-ci dönəmində türk əsilli 19 millət vəkili vəzifəsini icra edəcək.

Türkiyə əsilli millət vəkilləri seçən partiyalar arasında Sosial Demokrat Partiyası (SPD) 7, Sol Parti (Die Linke) 7, Xristian Demokrat Partiyası (CDU) 2, Yaşıllar (Grüne) 2 və Xristian Sosial Birlik Partiyası (CSU) 1 nəfər olub.

Hakan Dəmir, Mətin Haqverdi, Məcid Qaraəhmədoğlu, Mahmud Özdəmir, Aydan Özoğuz, Dərya Türk Naçbaur və Sərdar Yüksəl SPD-dən parlamentə seçilən adlar olub.

Sol Partiyadan Gökay Ağbulud, Atəş Gürpınar, Fərat Koçak, Cansın Göytürk, Cansu Özdemir, Cem Həmid İncə və Mirzə Edis parlamentə, CDU-dan Sərap Gülər və Tijen Ataoğlu, Yaşıllardan Ayşe Asar və Filiz Polat millət vəkili seçilib.

CSU-dan Hülya Düber partiyanın ilk türk əsilli millət vəkili oldu.

Ötən dövr Almaniyada 18 türk əsilli şəxs parlamentə daxil olmuşdu.