ABŞ-da prezident Donald Tramp administrasiyası Cənubi Afrika Respublikasının səfiri İbrahim Rəsulu “persona non qrata” elan edib. Bunun üzərinə Cənubi Afrika administrasiyasına nəzakətli olmaq çağırışı edilib.

ABŞ Dövlət Katibi Marko Rubio cümə günü sosial şəbəkədəki paylaşımında Rəsulun ölkədə artıq xoş qarşılanmadığını deyib.

“İbrahim Rəsul Amerikaya və prezidentliyə nifrət edən irqçi siyasətçidir”, – Rubio bildirib.

Rubio bu sözləri sağçı media orqanı “Breitbart” tərəfindən dərc olunan məqaləyə cavab olaraq deyib. Məqalədə Rəsul Trampın 2024-cü il seçkiləri zamanı supremasist instinktini aktivləşdirdiyini yazmışdı.

Tramp həmçinin Cənubi Afrika hökumətinin onlarla pis rəftar etdiyini iddia edərək, ağ dərili cənubi afrikalı fermerlərə vətəndaşlıq verilməsi məsələsini gündəmə gətirib.

***

Cənubi Afrika hökuməti hadisələrin ardından şənbə günü bir bəyanat yayaraq, hadisələrin təəssüf doğurduğunu bildirib.

“Biz bütün müvafiq və təsirə məruz qalan maraqlı tərəfləri məsələ ilə bağlı qarşılıqlı münasibətlərdə müəyyən edilmiş diplomatik nəzakəti qorumağa çağırırıq. Biz ABŞ ilə qarşılıqlı faydalı əlaqələrə sadiq qalırıq”, – bəyanatda deyilir.

Cənubi Afrikanın Beynəlxalq Münasibətlər və Əməkdaşlıq Nazirliyinin sözçüsü Krispin Firi də “X”də yazdığı paylaşımda administrasiyanın ABŞ ilə diplomatik kanallar vasitəsilə əlaqə saxlayacağını bildirdi.