Sorğunun nəticələrinə görə, almanların ən böyük narahatlığı miqrantlardır. Aparılan araşdırma, almanların qorxusunun immiqrasiya olduğunu ortaya çıxarıb. İctimai rəyi araşdırma şirkəti Ipsos tərəfindən aparılan aylıq "Dünyanın narahatçılığı" sorğusuna görə, almanların 41 faizi immiqrasiyadan narahat olduğunu bildirib. Lakin fevral ayı ilə müqayisədə bu göstəricinin 3 faiz azaldığı bildirilib.

Mart ayı sorğusunda hərbi münaqişə ilə bağlı narahatlıqlarda ən çox artım olub. Hərbi münaqişə təlaşını ifadə edənlərin nisbəti 11 bənd artaraq 27 faizə çatıb ən çox narahatlıq doğuran məsələlər arasında 5-ci yerdədir.

Almanları ən çox narahat edən ikinci problem yüzdə 33 ilə yoxsulluq və sosial bərabərsizlik olub. Bu məsələ ilə bağlı narahatlığını bildirənlərin nisbəti fevral ayı ilə müqayisədə 3 faiz artıb.

Cinayət və zorakılıqla bağlı narahatlıq 5 bənd azalaraq 31 faizə düşüb. İnflyasiya narahatlıqları 4 bənd azalaraq 27 faizə düşüb.

***

Sorğuda iştirak edənlərin 21 faizi Almaniyanın yenidən irəliləyiş əldə etdiyinə inanır. Mart ayı sorğusunda bu göstərici fevral ayı ilə müqayisədə 4 faiz yüksək olub.

Ölkənin iqtisadi vəziyyətinin pis olduğunu düşünənlərin nisbəti bir əvvəlki aya görə yüzdə 1 artaraq yüzdə 74 olaraq qeyd edildi.

Dünyanın ilk 3-lüyündə

Sorğuda iştirak edən digər ölkələrlə müqayisədə Almaniya immiqrasiyadan narahat olan insanların faizinə görə ikinci yerdədir. Bu baxımdan Çili 44 faizlə birinci yerdədir. Bu məsələdən narahat olduqlarını bildirənlərin nisbəti İngiltərədə yüzdə 32, Fransada yüzdə 27, ABŞ-da isə yüzdə 25 olub.

“Ipsos” sorğusu göstərib ki, Avropanın digər ölkələrində də hərbi münaqişə ilə bağlı narahatlıq artır. Hərbi münaqişədən narahat olanların nisbəti Polşada 32, İsveçdə 27, Hollandiyada 25, Fransada isə 15 faiz olaraq müəyyən edilib.

Fevralın 21-dən martın 7-dək keçirilən onlayn sorğuda 29 ölkədən 25 231 nəfər iştirak edib.