ABŞ prezidenti Tramp birinci dövrlə müqayisədə ikinci dövründəki işinə daha arxayın olduğunu vurğulayaraq, “Birinci dönəmimdə iki işim vardı: ölkəni idarə etmək və sağ qalmaq. İkinci dövründə həm ölkəni, həm də dünyanı idarə edirəm”, – deyib.

ABŞ prezidenti Donald Tramp “The Atlantic” jurnalına müsahibəsində daxili siyasətdən tutmuş xarici siyasətə qədər bir çox mövzuda qiymətləndirmələr edib.

Tramp, əvvəllər “Signal” proqramı vasitəsilə Yəmənə qarşı hücum planlarının paylaşılması ilə bağlı “qalmaqalda” adı hallanan Cefri Qoldberqin redaktoru olduğu jurnala verdiyi müsahibədə prezident kimi ilk dövrünü ikinci dövrlə müqayisə edib.

2016-2020-ci illər arasında daha çox daxili problemlərlə məşğul olmaq məcburiyyətində qaldığını açıqlayan Tramp, “Birinci dönəmdə iki işim var idi: ölkəni idarə etmək və həyatda qalmaq. Bu arada əyri adamlarla məşğul idim. İkinci dönəmdə həm ölkəni, həm də dünyanı idarə edirəm”.

İşindən “ləzzət aldığını” ifadə edən Tramp müsahibə boyu ikinci prezidentlik dövründə qərarlarına və addımlarına daha arxayın olduğu mesajını verdi.

***

Üçüncü müddətə prezidentlik ideyası ilə bağlı fikirlərini soruşduqda ABŞ prezidenti belə bir şey axtarmadığını desə də, alternativ yanaşmalara açıq olduğunu bildirib.

“Bu, böyük fasilə olardı, elə deyilmi? Bəlkə mən sadəcə bunu dəyişməyə çalışıram. Bu, etmək istədiyim bir şey deyil və düşünürəm ki, bunu etmək çox çətin olacaq”, – Tramp deyib.

***

Digər tərəfdən Tramp Rusiya ilə Ukrayna arasında sülh danışıqlarında prezident Vladimir Putinə güvəndiyini və razılaşmanın əldə olunacağına inandığını bəyan edib.

Tramp Putinin Ukrayna sülh danışıqlarında “yaxşı” olacağını deyib: “Mən çoxlu sayda insanın həyatını xilas etməyə çalışıram. Bilirsiniz, Ukrayna və Rusiya - bu bizim həyatımız deyil, lakin bu, Üçüncü Dünya Müharibəsi ilə nəticələnə bilər”.

***

Tramp, Atlantik jurnalının redaktoru Qoldberqin Yəmən müharibəsi planlarının paylaşıldığı “Siqnal” söhbət qrupuna təsadüfən əlavə edildiyi hadisə ilə bağlı da şərhlər etdi.

Bu mövzuda həm müdafiə naziri Pit Heqset, həm də Milli Təhlükəsizlik müşaviri Mayk Valtza güvəndiyini söyləyən Tramp, “Onunla (Heqset) söhbətim oldu, müsbət bir söhbət oldu. Düşünürəm ki, o, özünü qaydaya salacaq”.

Bu məsələ ilə bağlı mətbuatda Valsın ağır tənqidlərə məruz qaldığını qeyd edən ABŞ prezidenti “Vals vəziyyəti yaxşıdır” deyib.

***

Əvvəlki Co Bayden administrasiyasını sərhəd təhlükəsizliyi və qeyri-qanuni mühacirlərin ölkəyə girişi ilə bağlı tənqid edən Tramp, prezidentliyi dövründə sərhəd təhlükəsizliyi ilə bağlı “çox uğurlu” addımlar atdıqlarını bildirib.

***

ABŞ prezidenti bu müddət ərzində bu qədər amerikalı milyarderlə necə yaxın münasibət qurması ilə bağlı sualı cavablandırarkən, “Bu, sadəcə olaraq, daha yüksək səviyyədə hörmətdir. Bilmirəm. Bəlkə onlar məni əvvəldən tanımırdılar, amma indi tanıyırlar”, – deyib.