ABŞ Maliyyə Nazirliyi İran və Çindəki altı müəssisə və altı fiziki şəxsə ballistik raket yanacağı xammalının tədarükü üçün SEPAH adından fəaliyyət göstərən şəbəkədəki rollarına görə sanksiya tətbiq edib. Şəbəkə Çindən İrana natrium perklorat və dioktil sebakatın daşınmasında iştirak edib.

Məlumatlara görə, Bəndər-Abbas limanındakı partlayışa bu yaxınlarda Çindən İrana daşınan və orada saxlanılan natrium perkloratın daşınması səbəb olub. Natrium perklorat və dioktil sebakat, ballistik raketlərdə istifadə olunan bərk raket mühərrik yanacağının istehsalında istifadə olunan əsas maddələrdir.

ABŞ Maliyyə Nazirliyi bu barədə deyib: “Bu gün ABŞ Maliyyə Nazirliyinin Xarici Aktivlərə Nəzarət İdarəsi (OFAC) İran və Çində altı qurum və altı şəxsə qarşı İslam İnqilabı Keşikçiləri Korpusunun (“SEPAH”) maraqları naminə ballistik raket yanacağı komponentlərinin əldə edilməsi şəbəkəsindəki rollarına görə sanksiyalar tətbiq edib”.

Sanksiyalar xüsusilə İranda yerləşən “Saman Tejarat Barman Trading Company” (STB) şirkətinə qarşı tətbiq edilib ki, bu şirkət “SEPAH”ın maraqları üçün Çində yerləşən və qara siyahıya daxil edilən “Shenzhen Amor Logistics Co Ltd” şirkətindən natrium perxlorat alıb. Məhdudiyyətlər STB ilə əlaqəli altı şəxsə qarşı tətbiq edilib.

Sanksiyalar həmçinin STB-ni başqa bir maddə – dioktilebatsinat ilə təmin edən “Dongying Weiaien Chemical Co Ltd” şirkətinə də tətbiq edilib.

“İranın hücum xarakterli raket və digər silah imkanlarını inkişaf etdirməsi ABŞ və tərəfdaşlarımızın təhlükəsizliyini risk altına qoyur, Yaxın Şərqdə sabitliyi və bu texnologiyaların yayılmasının qarşısını almaq üçün beynəlxalq müqavilələri pozur”, – ABŞ Maliyyə Naziri Skott Besant açıqlamasında deyib.