Pakistan və Hindistan arasında növbəti qarşıdurma ilk baxışdan bizə aidiyyəti olmayan çox uzaq bir məsələ kimi görünür. Ancaq əsl həqiqətdə isə Pakistanla bağlı istənilən böyük hadisə bu və ya digər şəkildə Azərbaycan və Türkiyəyə də təsir göstərir. Bunun da səbəbləri bəllidir.

Ona görə də Türkiyənin Pakistana açıq dəstək verməsi olduqca önəmli addımdır. Belə ki, Modi hökumətinə Türkiyə Müdafiə Nazirliyi səviyyəsində Hindistanın məsuliyyətli davranması, gərginliyi artıra biləcək addımlardan qaçması, beynəlxalq hüquq və diplomatiya çərçivəsində hərəkət etməsi tövsiyə edilib.

Türkiyə Müdafiə Nazirliyinin sözçüsü Zəki Aktürk bildirib: “İki ölkə arasında ritorika və hərbi müstəvidə artan gərginliyin təkcə region xalqlarını deyil, həm də bütün beynəlxalq ictimaiyyəti təhdid edən nəticələri ola bilər. Ona görə də Hindistanın məsuliyyətli davranması, gərginliyi artıra biləcək addımlardan qaçması, beynəlxalq hüquq və diplomatiya çərçivəsində hərəkət etməsi mütləqdir. Türkiyə qardaş Pakistanın qanuni təhlükəsizlik narahatlıqlarını anlayır, tərəflərin sülh yoluna üz tutmasını və beynəlxalq ictimaiyyətin bu prosesdə konstruktiv rol oynamasını gözləyir”.

İslamofob və türkəfob olan Hindistanın millətçi baş naziri Narendra Modi Türkiyənin bu xəbərdarlığını nəzərə almaya bilməz. Hər halda ABŞ-ın dəstəyinə güvənən Hindistan lideri bütün Türk-İslam dünyası və Çinlə qarşı-qarşıya gəlmək riskini də gözə alır. Bu mənada eskalasiyanı daha da genişlənmək Hindistan üçün ağılsızlıq olardı.

Bu arada Azərbaycan da mənəvi-siyasi dəstək baxımından Türkiyə ilə birlikdə dost və qardaş Pakistanın yanındadır. Və Pakistanla sıx əməkdaşlıq münasibətlərimizə görə Modi hökuməti bizim adımızı artıq çoxdan öz “qara siyahı”sına yazıb. Hindistanın revanşist Ermənistanı hər vasitə ilə dəstəkləməsi və silahlandırması da məhz bundan qaynaqlanır.

Xain qüvvələr çox asanlıqla bir-birilə tapışırlar. Hind-erməni soy birliyi, irq birliyi öz sözünü deyir. Ancaq bizim də (Azərbaycan, Türkiyə, Pakistan) şər qüvvələri kifayət qədər cəzalandırmaq, dayandırmaq təcrübəmiz var.