Oval kabinetdə nümayiş etdirilən ABŞ prezidenti Donald Trampın miniatür heykəli Pensilvaniya ştatının Butler şəhərində sui-qəsd cəhdindən sağ çıxan anları təsvir edir.

Prezidenti aşağı tutan Məxfi Xidmət agentlərinin də olduğu heykəl, keçən il iyulun 13-də silahlı Metyu Tomas Kruks tərəfindən vurulduqdan sonra Trampın yumruğunu havaya qaldırıb “döyüş, döyüş, döyüş” deyə qışqırdığı anı xatırladır.

Heykəltəraş Sten Uotts tərəfindən çəkilmiş bu fiqur, “Tramp heykəli Layihəsi”nin internet səhifəsində “ilahi müdaxiləni, həmçinin Tramp və Amerikanın təmsil etdiyi birlik mesajını simvollaşdırır”.

Heykəlin fotoşəkilləri cümə günü Tramp Oval kabinetdə yaşayış istehlakçılarının enerji siyasətləri haqqında qanunu imzaladığı zaman paylaşılıb.

Layihənin saytında verilən məlumata görə, heykəlin 2,75 metr hündürlüyündə tunc variantının hazırlanması planlaşdırılır.

Sayt bunun üçün donorlardan 10 dollardan 25 000 dollara qədər töhfələr istəyir. 10 dollar sizə heykəlin daimi olaraq harada quraşdırılacağına səs vermək hüququ, 25.000 dollar isə heykəlin məhdud sayda, dörddə bir ölçülü bürünc nüsxəsini əldə edir.

4500 dollar verən donorlara heykəlin 30 santimetrlik surətləri veriləcək. “Bu heykəllər Tramp Kampaniyasına böyük pul verən donorlara təklif olunan heykəllərlə eynidir" deyir sayt.

Heykəl Trampın sələfi, keçmiş prezident Co Baydenin vəzifəsini tərk etməsindən sonra böyük dəyişikliklərə məruz qalan Oval kabinetə edilən son əlavələrdən biridir.

Prezident həmçinin divarlardakı sələflərinin şəkillərinin sayını üç dəfə artıraraq Corc Vaşinqton, Abraham Linkoln, Franklin D. Ruzvelt, Tomas Cefferson və Ronald Reyqanın portretlərini əlavə edib.