Danimarka parlamenti ABŞ-ın bu ölkədə hərbi baza qurmasına yol açan müdafiə sazişini təsdiqləyib. Trampın Qrenlandiyanı “nəzarət altına almaq” istəyi ilə yaranan gərginlikdən sonra səsverməyə çıxarılan razılaşma, tənqidlərə baxmayaraq, parlamentdə böyük əksəriyyət tərəfindən bəyənilib.

ABŞ prezidenti Donald Tramp vəzifəyə başlamazdan əvvəl 2023-cü ildə iki ölkə arasında imzalanan “Müdafiə sahəsində əməkdaşlıq sazişi” parlamentdə səsverməyə çıxarılıb. Trampın Qrenlandiyanı “nəzarət altına almaq” istəyi ilə yaranan gərginlikdən sonra səsverməyə çıxarılan razılaşma, tənqidlərə baxmayaraq, parlamentdə böyük əksəriyyət tərəfindən bəyənilib. Bəzi üzvlərin “ölkəyə zərərli” olduğu üçün tənqid etdiyi bu razılaşma ABŞ-a hərbi baza qurmağa, qoşun yerləşdirməyə və Danimarka torpaqlarında hərbi texnika saxlamağa imkan verir.

***

Seçildikdən və vəzifəyə gəldikdən sonra Tramp dəfələrlə Qrenlandiyanın ölkəsinin nəzarəti altında olması lazım olduğunu bəyan edərək, adaya sahiblik və nəzarətə sahib olmağın “tamamilə zəruri” olduğunu bildirib.

Mart ayında Konqresdə çıxış edən Tramp, “Qrenlandiya milli təhlükəsizlik və hətta qlobal təhlükəsizlik üçün kritik əhəmiyyətə malikdir. Biz bunu təmin etmək üçün bütün tərəflərlə işləyirik. Bu və ya digər şəkildə bunu əldə edəcəyik”, – deyib.

ABŞ prezidenti iddia edib ki, Amerikanın Qrenlandiyaya sahib olması “azad dünyanı müdafiə etmək” üçün zəruridir.

Trampın sözləri bir çox qrupların, xüsusən də Qrenlandiya rəsmilərinin qəzəbinə səbəb olmuşdu.

Qrenlandiyanın o zamankı baş naziri Mute Bourup Egede, “Qrenlandiya Qrenlandiya xalqına məxsusdur. Biz satılmamışıq və heç vaxt da satılmayacağıq. Uzun müddətdir davam edən azadlıq mübarizəmizi itirməyəcəyik”, – demişdi.

Danimarka Krallığının tabeliyində olan Farer adalarının iki muxtar bölgəsindən biri olan Qrenlandiya, bağlı olduğu Danimarkadan 2900 kilometr aralıda yerləşir.