Fransa Prezidenti Emmanuel Makronun Rusiya Prezidenti Vladimir Putin üçün istifadə etdiyi “qapımızdakı canavar” ifadəsi Moskvada böyük etirazla qarşılandı. Rusiya isə Fransanı birbaşa hədələyərək Şanzelizeni ələ keçirəcəyik” (Şanzelize prospekti və ya Şanzelize Bulvarı – Avenue des Champs-Élysées, Champs-Élysées) mesajı verdi.

Fransa Prezidenti Makronun Putini “yırtıcı” və “qapımızdakı canavar” kimi xarakterizə etməsi Rusiyada diplomatik böhran yaradıb. Rusiya Xarici İşlər Nazirliyi sözçüsü Mariya Zaxarova Makronun ifadələrini “yalnız məntiqin deyil, eyni zamanda ədəbin də sərhədlərini aşan, Rusiya və xalqına qarşı təhqiramiz sözlər” kimi dəyərləndirib.

Makronun sözlərindən sonra Rusiyanın aparıcı propagandistlərindən Vladimir Solovyov televiziya proqramında Fransanı birbaşa hədəf aldı: “Biz sərhədlərinizə gələcəyik, oraya NATO əsgərləri göndərəcəyik. Buna görə Şanzelizedə olacağıq. Makron bir Rusiya zabitinin çəkmələrini boyayacaq”.

Rusiya ilə Fransa arasındakı gərginlik Ukrayna müharibəsindəki son inkişaflarla birlikdə yüksəlir. Paris Ukraynada sülhü qorumaq üçün hərbi qüvvə göndərmək ideyasını gündəmə gətirsə də, Moskva bu ehtimalı qəti şəkildə rədd edib. Eyni zamanda, son günlərdə Rusiyanın həyata keçirdiyi intensiv bombardmanlarda 20 nəfər, o cümlədən uşaqlar da daxil olmaqla, mülki şəxslər həlak olub.

Avropa Birliyi və Böyük Britaniyadan gələn diplomatik təşəbbüslərə baxmayaraq, sülh danışıqları tıxanıb. Böyük Britaniyanın Baş naziri Kir Starmer Rusiya Prezidenti Putini “sülh ümidlərini sabota etməkdə” ittiham edib.