vaxtlı-vaxtında oxuyun! Şənbə, 19 sentyabr 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
QALMAQAL  
14:09 | 22 avqust 2020 | Şənbə Məqaləyə 109 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Toy qalmaqalı

YAP Siyavuş Novruzovu tənbeh etdi

Hakim Yeni Azərbaycan Partiyası deputat və partiyanın icra katibinin müavini Siyavuş Novruzovu Ramiz Mehdiyevin nəvəsinin toyunda iştirak etdiyinə görə tənbeh edib. Virtualaz.org xəbər verir ki, bu haqda partiyanın bəyanatında deyilir.

Sitat: “COVID-19 pandemiyasının yayılması və əhalinin sağlamlığının qorunması məqsədilə Azərbaycan Respublikası Nazirlər Kabineti yanında Operativ qərargahın tətbiq etdiyi karantin rejiminin tələblərini kobud surətdə pozduğuna görə Yeni Azərbaycan Partiyasının (YAP) İcra katibinin müavini Siyavuş Novruzova töhmət elan edilib. Yeni Azərbaycan Partiyası partiyanın bütün üzvlərini tətbiq edilən zəruri karantin rejiminin tələblərinə əməl etməyə, əhalinin sağlamlığına təhlükə yaradan əməllərə yol verməməyə çağırır”. 

Xatırladaq ki, Siyavuş Novruzov toyda niyə iştirak etdiyi barədə jurnalistlərin suallarına cavab olaraq “yaxşı eləmişəm” deyib.

Milli Məclisin intizam komissiyasının sədr müavini Fəzail Ağamalı jurnalistlərə açıqlamasında deyib ki, Siyavuş Novruzov qaydaları pozub.

“Sosial şəbəkələrdə, saytlarda Milli Məclisin Regional məsələlər komitəsinin sədri Siyavuş Novruzovun Ramiz Mehdiyevin nəvəsinin toyunda iştirak etməsi ilə bağlı xeyli informasiyalar yayılıb. Onun da cavabı hamıya bəllidir. Çox təəssüf edirəm ki, Siyavuş Novruzov jurnalistlərin suallarına aqressiv cavab verib”,-Ağamalı bildirib.

Onun sözlərinə görə, Siyavuş Novruzovun həmin toyda iştirak etməsi bir neçə baxımdan qəbuledilən deyil: “Siyavuş Novruzov Milli Məclisin Regional məsələlər komitəsinin sədri kimi toyların, yasların, kütləvi tədbirlərin keçirilməsinin ölkə miqyasında qadağan olunmasını bildiyi halda bu tələbə riayət etməyib. Əslində biz deputatlar, yüksək səviyyəli məmurlar, cəmiyyətdə tanınan insanlar hərəkət və davranışları ilə həmişə nümunə göstərməlidirlər. Ancaq Siyavuş Novruzov bu qaydanı pozub. Mən təəssüf hissi keçirirəm ki, bu addımı atıb”.

F.Ağamalı bildirib ki, Siyavuş Novruzovun bu addımı cəmiyyətdə qınaq hədəfinə çevrilib: “Ortada təbii ki, qanunazidd addım var. Bu məsələ parlamentin rəhbərliyi səviyyəsində nəzərə alınacaq. Bu məsələyə diqqət yetiriləcək. Rəhbərlik hansı qərarı qəbul etsə, bu başadüşülən olacaq. Əgər belə bir məsələnin İntizam Komissiyasında müzakirə olunması məqbul hesab edilsə, biz buna baxacağıq”.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *