vaxtlı-vaxtında oxuyun! Şənbə, 26 noyabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
AKTUAL  
11:31 | 29 mart 2019 | Cümə Məqaləyə 2791 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Mədəniyyət naziri Parisdə UNESCO-nun baş direktoru ilə görüşüb

Ölkəmizlə təşkilat arasında əlaqələr müzakirə olunub

MÖVZU İLƏ ƏLAQƏLİ

Mədəniyyət naziri Əbülfəs Qarayev Parisə səfəri zamanı UNESCO-nun baş direktoru Odri Azule ilə görüşüb.

Görüşdə Azərbaycanla UNESCO arasında əlaqələrin hazırkı vəziyyəti, mayın 2-3-də UNESCO-nun əsas tərəfdaşlığı ilə Bakıda keçiriləcək 5-ci Dünya Mədəniyyətlərarası Dialoq Forumu, 30 iyun – 10 iyul tarixlərində paytaxtımızda təşkil olunacaq UNESCO-nun Dünya İrs Komitəsinin 43-cü sessiyasına hazırlıq və digər birgə layihə və proqramlarla bağlı fikir mübadiləsi aparılıb.

Əbülfəs Qarayev ölkəmizin UNESCO ilə əməkdaşlığı inkişaf etdirməyə, dünyada təşkilatın ideallarının yayılmasına daima sadiq olduğunu vurğulayıb və təşkilat ilə çoxsaylı birgə layihələrin bundan sonra da davam edəcəyini bildirib.

Təşkilatın baş direktoru Azərbaycan ilə əməkdaşlığın səviyyəsindən razılığını qeyd edərək ölkəmizdə keçiriləcək mühüm beynəlxalq tədbirlərin bilavasitə UNESCO ilə bağlı olduğunu və təşkilatın bu prosesdə fəal rol oynayacağını diqqətə çatdırıb.


Nazir UNESCO-nun Dünya irsi və Qeyri-maddi mədəni irs siyahılarına daxil edilmiş Azərbaycanın mədəniyyət və irs nümunələri barədə xanım O.Azuleyə məlumat verib, həmçinin Dünya İrs Komitəsinin sədri kimi ölkəmizin dünyada münaqişə ərazilərində və təbii fəlakətlər vəziyyətində mədəni irsin qorunması məsələsinin aktuallığını diqqətdə saxlayacağını qeyd edib.

Odri Azule qeyd edilən məsələlərin UNESCO üçün də ciddi əhəmiyyət kəsb etdiyini vurğulayıb. O, cari ilin noyabr ayında təşkilatın qərargahında keçiriləcək mədəniyyət nazirlərinin konfransı və aprelin 25-26-da Cenevrədə reallaşacaq hərbi münaqişələr zamanı mədəni mülkiyyətin qorunmasına dair konvensiya ilə bağlı tədbir çərçivəsində reallaşacaq nazirlər paneli barədə məlumat verərək, Əbülfəs Qarayevi həmin tədbirlərə dəvət edib.