vaxtlı-vaxtında oxuyun! Şənbə, 19 sentyabr 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şeyx Məhəmməd Xiyabani (1880 - 1920)

«Vaxt bizi getməli olduğumuz yerə istiqamətləndirir»

Şeyx Məhəmməd Xiyabani (1880 - 1920)
RƏY, REPLİKA  
18:11 | 22 avqust 2020 | Şənbə Məqaləyə 108 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ermənilərin əhatəsində

Siyavuş Novruzov doğrudanmı vicdan əzabı çəkmədi?

Fəzail AĞAMALI,
millət vəkili

Bütün dünya və onun bir parçası kimi Azərbaycan koronavirusun törətdiyi ağır məhrumiyyətlərin içərisindədir. Bu ümumibəşəri bəladan az itki ilə çıxmaq üçün dövlətimiz bütün imkanlarını səfərbər edib, xalqımızla bərabər sözün həqiqi mənasında gözəgörünməz düşmənlə ağır döyüşlər aparmaqdadır. Karantin rejiminin tələblərinin yerinə yetirilməsi pandemiya ilə mübarizədə həlledici rol oynayır.

Təəssüf ki, bir sıra hallarda vətəndaşlarımız qaydaları yerinə yetirmədiyinə görə haqlı olaraq Azərbaycan qanunları çərçivəsində cəzalandırılır. Bu baxımdan istisnalar yoxdur və ola da bilməz. Ancaq ölkədə özünü qanunların və dövlətin fövqündə hiss edən, dövlətçiliyimizə ciddi zərbələr vurmağa cəhdlər göstərən, öz hərəkət və davranışları ilə dövlətimizə və xalqımıza meydan oxuyan, hikkəsindən və Azərbaycana olan nifrətindən qaynaqlanan əməlləri ilə cəmiyyətimizdə Prezident İlham Əliyevə inamsızlıq toxumları səpməkdə davam edən Ramiz Mehdiyev pandemiyadan doğan karantin rejiminin tələblərini pozaraq ciddi qanun pozuntularına qəsdən və düşünülmüş şəkildə yol verərək nəvəsinin toy məclisini təşkil edib. Bununla Ramiz Mehdiyev bütün dəyərləri tapdalayaraq insanlarımıza olduqca pis nümunə təqdim edib.

Nəzərə alsaq ki, o hazırda elmimizin məbədi hesab edilən Azərbaycan Milli Elmlər Akademiyasının prezidentidir, yüksək dövlət təltiflərinin daşıyıcısıdır, günahları daha bağışlanmaz mahiyyət daşıyır. Aylardır övlad toyunu edən, evindən gəlin köçürə bilməyən on minlərlə ata-analarımız da, aylardır ki, ailə həyatı qura bilməyən gənclərimizdə xəyal qırıqlığı yaradan Ramiz Mehdiyev nə Azərbaycan Milli Elmlər Akademiyasının prezidenti kimi nüfuzlu vəzifəni, nə də dövlət təltiflərini daşımağa heç bir mənəvi haqqı yoxdur. Onun son əməlləri haqlı olaraq xalqımızda Ramiz Mehdiyevə qarşı dərin nifrət və ciddi narazılıqlar yaradıb.

Dövlətimizə və xalqımıza meydan oxuyan bu anti-milli ünsürə qarşı nəhayət ki, sərt tədbirlər həyata keçirilməli, qanunun aliliyi hər kəs üçün keçilməz olmalıdır. Görünən odur ki, bütün xalqımız haqlı olaraq dövlətimizdən və hüquq-mühafizə orqanlarından Ramiz Mehdiyevə qarşı sərt addımların atılmasını gözləyir. Nəhayət, dövlətimizin ayaqları altına basdırılan bu təhlükəli minadan xilas olmağın zamanıdır.

Sonda xüsusi olaraq bildirmək istərdim ki, Ramiz Mehdiyevin nəvəsinin toyunda şəxsən dəvət etdiyi bəzi adamlar haqqında KİV-lərdə kifayət qədər məlumatlar yayılıb. Onlardan biri Milli Məclisin komitə sədri və deputatı Siyavuş Novruzov həyat yoldaşı olan Azərbaycanın Ombudsmanı Səbinə Əliyeva ilə bərabər toyda iştirak etməsidir. Əlbəttə ki, bu gözlənilən deyildi. Mən heç bir halda təsəvvür etməzdim ki, Siyavuş Novruzov bu toy mərasimində iştirak edə bilər. Çünki Siyavuş Novruzov dəfələrlə Milli Məclisin tribunasından sərt karantin rejiminə hamını əməl etməyə çağırıb. Siyavuş Novruzov karantin qaydalarını pozan şəxslərin sərt şəkildə cəzalandırılmasını dəfələrlə tələb edib. Ancaq bu cür fikirlər səsləndirən Siyavuş Novruzovun özünün tələbləri kobud şəkildə pozaraq, qadağan olunan toy mərasimində iştirakı heç cür başa düşülən və qəbul edilən deyil.

Digər tərəfdən, Siyavuş Novruzov ermənilərə qarşı sərt mövqeyini hər zaman ifadə edib, ermənilərin ovuna çıxması haqqında fikirlər irəli sürüb. Bununla bərabər, Siyavuş Novruzov Ramiz Mehdiyevin nəvəsinin toy mərasimində başdan-başa ermənilərin tam əhatəsində idi. Ramiz Mehdiyevin erməni olan arvadı Qalina, onun qardaşı və Ramiz Mehdiyevin kürəkəni erməni Levon, Levonun erməni uşaqlarının əhatəsində toy mərasimində iştirak edən Siyavuş Novruzov doğrudanmı orada vicdan əzabı çəkmədi? Əgər zərrə qədər mənəvi əzab çəksəydi, o zaman mətbuata verdiyi açıqlamalarında “iştirak etmişəm, yaxşı eləmişəm” kimi ifadələr işlətməzdi.

Ramiz Mehdiyevin şərəfinə sağlıq deyən və böyük riyakarlığı, yaltaqlığı özündə ifadə edən Abel Məhərrəmov o çıxışı ilə hər bir azərbaycanlının dərin nifrətini qazandı. Ziyalı belə olmaz, əsl ziyalının ləyaqəti olar. Ziyalı və ya alim heç bir zaman kimsənin qarşısında bu qədər alçaldıcı hərəkətlər etməz. Görünən odur ki, Abel Məhərrəmov alimlik və ziyalılıq kimi yüksək dəyərlərdən uzaqdır.

Toya ev sahibliyi edənlərdən biri, Ramiz Mehdiyevin kürəkəni İlham Əliyevə qarşı məhkəmə tərəfindən 15 sutkalıq həbs qərarı çıxarıldı. Bu qərar çox doğru addımdır. Düşünürəm ki, bu ilk addımdır və bununla kifayətlənmək olmaz. O, özünü çox idarəolunmaz bir adam kimi aparırdı. Onun mətbuata verdiyi iddialı açıqlamalar hər kəsə tanışdır. Belə bir idarəolunmaz və son dərəcə təkəbbürlü bir insanın Azərbaycan qanunları qarşısında aciz vəziyyətə düşməsi təqdir olunur və alqışalayiqdir. Lakin düşünürəm ki, bu cəza kifayət deyil. Bu toyun əsas təşkilatçısı olan, özünü mafiya başçısı kimi aparan, milli-mənəvi dəyərlərimizə hörmət bəsləməyən, indiki situasiyanı nəzərə almayan, Azərbaycan xalqı ilə dövlət arasında ciddi problemlər yaratmaq istəyən və buna illərdir xidmət edən Ramiz Mehdiyev də cəzalandırılmalıdır. Əgər Ramiz Mehdiyev cəzalanmasa, o zaman xalqımızda dövlətimizə qarşı xəyal qırıqlığı yarana bilər. Əminəm ki, dövlətimiz buna imkan verməyəcək.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *