vaxtlı-vaxtında oxuyun! Cümə axşamı, 19 may 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
REGİON  
12:08 | 10 may 2022 | Çərşənbə axşamı Məqaləyə 419 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Mən sizə görə utanıram”

Rusiyada antmüharibə ruhu yüksəlir?

MÖVZU İLƏ ƏLAQƏLİ

Rusiyada 9 may gününə həsr olunmuş tədbirlər zamanı polis azı 125 nəfəri saxlayıb. Onların 80-dən çoxu antimüharibə aksiyalarına, piketlərinə və simvollarına görə saxlanıb. Moskvadakı Puşkin meydanında polis bir gənci saxlayaraq aparıb. O meydanda müharibə əleyhinə söz deyənlərə konfet paylayırdı. Onunla birlikdə SOTA saytının jurnalisti Dmitri Kovalı da saxlayıblar. Onun əlindəki plakatda “Müharibə yox – sülh, köləlik yox – azadlıq, güc biliksizlikdə deyil” sözləri yazılmışdı.

Bundan başqa Moskva, Peterburq, Kazan, Orenburq və başqa şəhərlərdə “Ölümsüz alay” yürüşünə antimüharibə plakatları ilə qoşulan onlarca etirazçı saxlanıb. Bu da xəbər verilir ki, təkcə Moskva metrosunda “üztanıma kameraları” ilə azı 37 nəfəri saxlayıblar.

***

Polis Novosibirskdə “Ölümsüz alay” yürüşünə qatılmış etirazçı Vladimir Saltevskini saxlayıb. Saltevskinin əlindəki plakatda yazılmışdı: “Nəvələrim, mən sizə görə xəcalət çəkirəm. Biz sülh uğrunda döyüşmüşdük, siz müharibəni seçdiniz”. Başqa bir plakatda isə yazılmışdı: “O faşizmə qalib gəlmişik, buna da gələrik”.

Bu yürüş zamanı əlində “Mənim babam belə gələcək üçün vuruşmamışdı” yazılı plakatı olan başqa bir etirazçı da saxlanıb. Sankt Peterburqda “Ölümsüz alay” yürüşünə qatılmaq istəyən şəhər deputatı Sergey Samusevi saxlayıblar. Onun əlindəki plakatda bugünlərdə Xarkovun bombardmanında həlak olmuş 96 yaşlı Boris Romanenkonun portreti vardı. Romanenko II Dünya Müharibəsinin bir neçə ölüm düşərgəsindən sağ çıxmışdı.

Rusiyada ən çox oxunan xəbər saytlarından – Lenta.ru portalında mayın 9-da Rusiyanın Ukraynaya müdaxiləsini tənqid edən bir neçə material yerləşdirilmişdi. Məqalələrdən bəzilərinin belə başlıqları vardı: “Rusiya ordusu oğru və soyğunçuların ordusuna çevrilib” və ya “Vladimir Putin aciz diktator və paranoikə dönüb”.

İndi bu yazılardan bəzilərinin skrinşotlarını internetdən tapmaq mümkündür, lakin materiallar sonradan saytdan silinib. Volqoqradda peyda olmuş bir qrafitdə isə çox sayda tabut əks etdirilib. Sink tabutlardan birinin üzərində Rusiyanın Ukraynaya müdaxiləsinin simvoluna çevrilmiş “Z” rəmzi var.

Fotonun müəllifi Philippenzo təxəllüsü ilə çıxış edən Volqoqrad küçə rəssamıdır. O bu fotoya yazılmış şərhdə qeyd edir: “Aydındır ki, Rusiyanı apardığı bu mənasız müharibədə heç bir qələbə gözləmir. Onun ən böyük “nailiyyətləri” təmizlənməz ləkə, təcridolunma, borc, yoxsulluq, on minlərlə şikəst edilmiş, məhv edilmiş insan olacaq. Onların cəsədlərini Vətən heç öz qucağına qaytarmaq həvəsində də deyil”.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.