vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Babək Xürrəmi (798 - 838)

«Bir gün azad yaşamaq, qırx il boyunduruq altında yaşamaqdan daha üstündür»

Babək Xürrəmi (798 - 838)
REGİON  
20:26 | 25 may 2022 | Çərşənbə Məqaləyə 431 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Çavuşoğlu İsrailə gedib

Bu Türkiyə XİN rəhbərinin Tel-Əvivə ilk rəsmi səfəridir

MÖVZU İLƏ ƏLAQƏLİ

Türkiyə XİN başçısı Mövlüd Çavuşoğlu son 15 ildə Türkiyə rəsmisinin İsrailə ilk səfərini həyata keçirərək İsrailin xarici işlər naziri Yair Lapid ilə danışıqlar aparıb.

Ötən gün Çavuşoğlu Fələstin administrasiyası rəhbərliyi ilə görüşüb.

Çavuşoğlu israilli həmkarı ilə danışıqlardan sonra keçirilmiş birgə mətbuat konfransında iştirak edib.

Xarici işlər nazirləri iki ölkə arasında keçmiş fikir ayrılıqlarına baxmayaraq, danışıqların müsbət keçdiyini, münasibətlərin inkişafına dair konstruktiv danışıqların aparıldığını bildiriblər.

“Fərqlərimizə baxmayaraq, davamlı dialoq davam etməlidir. Bu, təkcə bizim üçün deyil, həm də regionda sülh üçün vacibdir. Biz bir çox sahələrdə əlaqələrimizi bərpa etmək və mülki aviasiya ilə bağlı danışıqları bərpa etmək qərarına gəldik”, – Çavuşoğlu deyib.

Fələstin-İsrail münasibətlərinə toxunan Türkiyə XİN başçısı qeyd edib ki, Ankara  “BMT parametrləri çərçivəsində iki dövlətli həlli” sülhün yeganə yolu sayır.

Yair Lapid Türkiyənin İsraili tanıyan ilk müsəlman dövləti olduğunu xatırladıb.

“Məqsədimiz ölkələrimizin qarşılıqlı üstünlüklərindən faydalanmaqdır. İsraillilər Türkiyəni çox sevir. İsraildən Türkiyəyə çoxlu sayda təyyarə yollanır. Bu gün biz münasibətlərimiz üçün yeni çərçivə yaratmışıq. Uşaqlarımız bundan gələcəkdə faydalanacaqlar”, – İsrail XİN başçısı deyib.