vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
REGİON  
12:23 | 28 may 2022 | Şənbə Məqaləyə 773 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Hərbi əməliyyatlar nəhəng pul tələb edir”

Putinin boynuna almadığı gerçəyi maliyyə naziri Anton Siluanov dilə gətirdi

MÖVZU İLƏ ƏLAQƏLİ

Rusiyanın maliyyə naziri Anton Siluanov mayın 27-də deyib ki, ölkənin Ukraynadakı hərbi əməliyyatların xərcini çəkməsi üçün nəhəng maliyyə resurslarına ehtiyacı var. “Reuters” yazır ki, bu, Rusiyanın iqtisadiyyat üçün büdcə xərclərinə 8 trilyon rubl (120 milyard dollar) əlavə edəcək.

Rusiya fevralın 24-də Ukraynaya qarşı əsassız və səbəbsiz müharibəyə başlayandan bəri döyüş əməliyyatlarına on minlərlə əsgər göndərib.

“Reuters” yazır ki, Qərbin bu təcavüzə görə Rusiyanın üzərinə qoyduğu ağır sanksiyalar onsuz da yüksək olan inflyasiyanı 18 faizə çatdırıb və ölkə hazırda resessiya uçurumunun ucundadır.

***

Siluanov Moskva Maliyyə Universitetində oxuduğu mühazirədə deyib ki, Rusiyanın “xüsusi əməliyyat” adlandırdığı bu müharibə üçün nəhəng pul resurslarına ehtiyac var.

Prezident Vladimir Putin əhalinin inflyasiyadan müdafiəsi üçün pensiyaları və minimum əməkhaqqını 10 faiz artırmaq barədə sərəncam verib.

O bununla yanaşı ölkədəki problemlərin Ukraynadakı müharibə ilə bağlı olması ilə əlaqədar deyilənləri inkar edib.

Siluanov deyib ki, sərəncamla nəzərdə tutulan tədbirlər bu il 600 milyard rubl, 2023-cü ildə isə 1 trilyon rubl xərclənməsini tələb edəcək.

***

Nazir mühazirədə Moskvanın “dost olmayan” ölkələrdən xarici investorların aktivlərinin dondurulmasını təqdir edib.

Moskva bu tədbirə Qərb sanksiyalarına cavab kimi əl atıb: “Biz dost olmayan ölkələrdən xaricilərin investisiyalarına, onlar bizim qızılımıza və xarici valyuta ehtiyatımıza qoyduqları kimi həbs qoyacağıq”.

Qərb Rusiyanın beynəlxalq banklardakı 300 milyard dollarlıq valyuta ehtiyatına həbs qoyub.

Mayın 27-də 1 dollar 66,5 rubla bərabər olub.