vaxtlı-vaxtında oxuyun! Çərşənbə axşamı, 25 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
DÜNYA  
14:52 | 16 iyun 2022 | Cümə axşamı Məqaləyə 709 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qaçqın sayı 100 milyonu keçib

“Son dekadanın hər ilində bu rəqəmlər yüksəlib”

MÖVZU İLƏ ƏLAQƏLİ

2021-ci ildə evlərindən qaçmağa məcbur olanların sayı rekord həddə çatıb, məcburi köçkünlüyün sürəti və miqyası isə qaçqınlar üçün həll variantlarını geridə qoyur. BMT-nin Qaçqınlar üzrə Agentliyi (UNHCR) iyunun 16-da illik hesabatında belə deyir.

“Qlobal Tendensiyalar Hesabatı”nda qeyd edilir ki, 2021-ci ildə 89.3 milyon adam təqib, münaqişə, zorakılıq, insan haqları pozuntuları və ictimai asayişi ciddi təhdid edən digər hadisələr nəticəsində məcburi köçkünə çevrilib.

Bu, bir il öncəylə müqayisədə 8 faiz artıq, on il öncəkindən isə iki dəfə çoxdur, qurum əlavə edir.

UNHCR Rusiyanın fevralda Ukraynaya hücumunun qaçqın sayı ilə bağlı narahatlığı artırdığını bildirir. Bu işğal 2-ci Dünya müharibəsindən bəri ən sürətli və ən böyük məcburi köçkünlük böhranlarından birinə səbəb olub. Afrika, Əfqanıstan, dünyanın başqa yerlərindəki “fövqəladə vəziyyətlər” isə 2022-ci ildə qaçqın sayının 100 milyonu keçməsilə nəticələnib.

“Son dekadanın hər ilində bu rəqəmlər yüksəlib”, – BMT-nin qaçqınlar üzrə Ali Komissarı Filippo Qrandi söyləyib.

“Bundan sonra nə olacağı bizim əlimizdədir. Ya bu bəşəri ümidsizliyi yoluna qoymaq üçün hərəkətə keçərək davamlı həll variantları tapmalı, ya da dəhşətli yeni rəqəmlərə doğru qaçmalıyıq”, – o, sözlərinə əlavə edib.

***

Hesabatda deyilir ki, Rusiya işğala başlayandan 7.1 milyon ukraynalı ölkə daxilində köçkünə çevrilib, 6 milyondan çox insan isə ölkəni tamamilə tərk edib.

UNHCR ərzaq qıtlığı, inflyasiya, iqlim dəyişikliyinin adamların çətinliklərini daha da ağırlaşdırdığını qeyd edir.

Ötən il münaqişələr nəticəsində ölkələri daxilində köçkünə çevrilənlərin sayı 15-ci il ardıcıl artaraq 53.2 milyona çatıb.

Əfqanıstanda 2021-ci ildə qaçqın sayında 4 faizlik illik artım qeydə alınıb. Ötən il beynəlxalq qüvvələr bu ölkədən çıxarılıb, Taliban silahlıları hakimiyyəti ələ keçirib. Əfqanıstan 2.71 milyon qaçqınla Suriya (6.8 milyon) və Venesueladan (4.6 milyon) sonra üçüncü yerdədir.