vaxtlı-vaxtında oxuyun! Şənbə, 1 oktyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Əli bəy Hüseynzadə (1864 - 1940)

«Hürriyyət!.. O nə qüvvədir ki, zehinləri, fikirləri, xəyalları, bəşərin bütün ruh və mənəviyyatını sövq edir!»

Əli bəy Hüseynzadə (1864 - 1940)
REGİON  
15:06 | 20 iyun 2022 | Bazar ertəsi Məqaləyə 516 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Tokayevin cəsarəti və Putinin qisas planı

Qazaxıstan prezidenti dəyişən dəngələrin fərqindədir

Dadaş ƏHMƏDLİ

MÖVZU İLƏ ƏLAQƏLİ

Rusiya prezidenti Vladimir Putin həftə sonunu əsasən Qazaxıstan prezidenti Qasım-Comərd Tokayevin adına həsr edib və demək olar ki, son iki günü beləcə keçirib. Putinin Qazaxıstan prezidentinə müraciət etdiyi bütün epitetləri, ədəbsiz tərifləri qeyd etmək etikadan kənar olardı (rus dilinin “incəliklərini” bilənlər yəqin ki, söhbətin nədən getdiyini anlayıblar), qoy bu ifadələr Putinin vicdanına yazılsın.

Cümə axşamından etibarən və sonrakı iki gün ərzində Tokayevin Sankt-Peterburq Beynəlxalq İqtisadi Forumunda çıxışı Rusiya prezidenti tərəfindən müxtəlif formatlarda həmsöhbətləri ilə davamlı olaraq müzakirə edilib. Putin sözün əsl mənasında qəzəblənib və qonaqdan “belə təhqirlərə” necə layiq olduğunu anlamağa çalışıb. Putin əsas məzəmməti məhz Qazaxıstan prezidentinin “şərq mənşəli” olmasına ünvanlayıb, burada Putinin özünün fikrincə, qonaq adət-ənənələrə hörmət etməli və ev sahibini aşağılayan ifadələrdən çəkinməlidir.

Hər şey yaxşı ola bilər və bəlkə də, bu sözlər prezident iqamətgahının boş söhbəti olaraq havada asılı qala bilərdi, lakin Rusiya prezidenti Vladimir Putin çox möhkəm inciməsi və onun ətrafındakıların arasında qisas mövzusunu körükləyən kifayət qədər rəzillərin olması səbəbindən bazar günü axşam o, Tokayev üçün “hədiyyələr” hazırlamaq əmrini verib. Siyasi prosesləri izləyənlər bilirlər ki, Rusiya tərəfi Qazaxıstan neftinin Novorossiysk limanı vasitəsilə daşınmasını məhdudlaşdırıb. Bu, Qazaxıstan neftinin Avropaya nəqli üçün əsas marşrutdur. Amma, ola bilsin ki, bu, hələ başlanğıcdır. Hələlik ciddi və konkret heç nə olmasa da, Rusiya Federasiyası Təhlükəsizlik Şurasının katibi Nikolay Patruşevə göstəriş verilib və yaxın gələcəkdə Qazaxıstanın şimal ərazilərində nələrinsə baş verməsi mümkündür. Üstəlik, Rusiya ərazisində olan Qazaxıstan vətəndaşları, eləcə də qazax sərmayələri olan müəssisələr sayıq olmalıdırlar, hələlik dəqiq göstərişlər yoxdur, lakin prezidentin ətrafındakı səlahiyyətli şəxslərdən təkliflər gəlməkdədir.

Maraqlı olan Qazaxıstan prezidentinin bu fikirləri məhz indiki zamanda dilinə gətirməsidir. Heç şübhəsiz ki, o da bu sözlərin onun özünə və ölkəsinə nələrə başa gələcəyini hesablamamış deyildi. Amma görünür, kifayət qədər siyasi və diplomatik təcrübəyə malik Qasım-Comərd Tokayev dəyişən dəngələrin fərqindədir və bu səbəbdən də batmaqda olan gəmini vaxtında tərk etmək barədə də ətraflı düşünüb. Elə Rusiyada da elita nümayəndələri son hadisələri birmənalı qiymətləndirmirlər. Prezidentin ətrafdakılar üzdə ona tam dəstək verdiklərini bildirsələr də, arxada xarici arenada əsas müttəfiqlərin itirməlməsindən danışmağa başlayıblar.