vaxtlı-vaxtında oxuyun! Şənbə, 1 oktyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
DÜNYA  
07:59 | 23 iyul 2022 | Şənbə Məqaləyə 483 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kiyevdən Tehrana etiraz

“Hökumətin bəyanatlarının dəyişdirilməsindən narahatıq”

CAVİDAN

MÖVZU İLƏ ƏLAQƏLİ

Ukrayna Xarici İşlər Nazirliyi İranı Rusiyanın Ukraynaya qarşı aqressiv davranışını gücləndirən hər hansı bəyanat və ya hərəkətlərdən çəkinməyə çağırıb.

Ukrayna Xarici İşlər Nazirliyinin sözçüsü Oleq Nikolenko İran hökumətinin Rusiyanın Ukraynaya müdaxiləsinə dolayısı ilə haqq qazandıran bəyanatlarına reaksiya verib.

“Rusiya müharibəsi başlayandan İran neytrallığını bəyan edərək, atəşkəs və siyasi-diplomatik həll yolunu tələb edib. Bu baxımdan Ukrayna tərəfi İran hökumətinin bəyanatlarının dəyişdirilməsindən narahatdır”, – deyə Oleq Nikolenko bildirib.

Nikolenko daha sonra bildirib ki, Rusiyanın təcavüzkar hərəkətlərinə göz yummaq Rusiyanı Ukrayna xalqına qarşı ədalətsiz müharibəsini davam etdirməyə təşviq etməklə yanaşı, həm də dünyanın digər bölgələrində sülh və təhlükəsizliyin pozulmasına zəmin yaradır.

“Ukraynanın Rusiyaya hücuma hazırlaşmaqla bağlı bütün iddia edilən ittihamlar əsassız və manipulyasiyadır. Biz İran tərəfindən Rusiyanın Ukraynaya qarşı təcavüzkar siyasətini alovlandıran hər hansı bəyanat və ya hərəkətlərdən çəkinməyi tələb edirik”-deyə, Ukrayna Xarici İşlər Nazirliyinin sözçüsü İran rəhbəri Əli Xameneyinin çıxışına cavab verib.

Qeyd edək ki, Əli Xameneyi bundan öncəki paylaşımında Vladimir Putinlə görüşündə Ukrayna müharibəsi ilə bağlı işlətdiyi ifadələri “Twitter” hesabında paylaşıb.

“Əgər siz Ukrayna məsələsində təşəbbüsü ələ almasaydınız qarşı tərəf buna təşəbbüs göstərib və müharibə başladacaqdı”, – deyə Xameneyi Putinlə görüşündə bildirmişdi.