![](img/left_arrow.jpg)
![](img/right_arrow.jpg)
Alman kəşfiyyatından “sabotaj” xəbərdarlığı
Dondurulmuş Rusiya aktivlərindən gələn 1,5 milyardlıq gəlir Ukraynaya köçürülüb
Rumıniya və NATO rəsmiləri PUA qalıqları ilə bağlı ard-arda açıqlama verib
Keçmiş müdafiə nazirinin müavini korrupsiyada günahlandırılır
Ukrayna cəbhə xəttində qaydanı pozanlar 15 sutka həbslə cəzalandırılacaq
Rusiya PUA-ları Avropa istiqamətində Ukrayna sərhədini keçib
Moskvadan İrəvana xəbərdarlıq...
Ukrayna son anda açıqladı
Britaniya təyyarələrinə qarşı Rusiya qırıcısı havaya qaldırılıb
“Qərbin məqsədi, ölkələri təxribata çəkmək, müharibə və qan tökməkdir”
Moskva meri: “Bir il cəbhədə qalmaqla 5,2 milyon qazanmaq da mümkündür”
Avtomobilinə bomba qoyulan Torqaşov işğalçı müharibədə iştirak edib
Baş Qərargah rəisi ordunun vəziyyətini tənqid edib: “Kadr, texnika, ehtiyat, təlim və texnologiya çatışmazlığı var”
Hakerlərin əldə etdiyi Rusiya-Hindistan arasında imzalanan “S-400” sövdələşməsinin təfərrüatları və sənədləri
Ölümlə oyundan qalib çıxan Tramp Putinin qarşısında zəif görünməyi qəbul edəcəkmi?
Ukrayna PUA-sı isə Krasnodarda Qafqaz limanını vurdu
Ukrayna Rusiya ərazisinə hücumlar üçün ABŞ-dan əlavə yardım istəyib. Adlarının açıqlanmasını istəməyən ABŞ rəsmilərinin “Wall Street Journal” (WSJ) qəzetinə verdikləri məlumata görə, Kiyev Rusiyadakı hədəfləri müəyyən etmək üçün Co Bayden administrasiyasından kəşfiyyat məlumatları istəyib.
Həmçinin iddia edilib ki, Ukrayna Rusiya ərazisini vurarkən ABŞ istehsalı olan silahlardan istifadə etməyi xahiş edib.
Ağ Evdən qəzetə verilən açıqlamada Vaşinqton rəhbərliyinin Rusiya daxilində hədəflərin müəyyən edilməsi və Rusiya ərazisinə qarşı hücumlarda Amerika silahlarından istifadə edilməsi ilə bağlı kəşfiyyat məlumatlarının verilməyəcəyini bildirilib.
Lakin “WSJ”yə danışan rəsmilər bu siyasətin dəyişə biləcəyinə işarə edərək, Ukraynanın tələblərinin Vaşinqtonda müzakirə olunduğunu bildiriblər.
“New York Times” qəzeti Ukraynanın əvvəllər də oxşar tələblər irəli sürdüyünü, lakin Vaşinqtonun onları rədd etdiyini xatırladaraq, Kiyevin istəklərinə müsbət cavabın Baydenin müharibə siyasətində əhəmiyyətli dəyişiklik olacağını yazıb.
Ötən il ABŞ Rusiya ərazisinə hücumlarda istifadə olunmamaq şərti ilə Ukraynaya uzunmənzilli Ordu Taktiki Raket Sistemi (ATACMS) göndərmişdi.
“WSJ” iddia edirdi ki, Ukrayna hətta öz dronları və silahları ilə Rusiya ərazisinə hücum etmək üçün Vaşinqtondan kəşfiyyat məlumatı ala bilməz. Bildirilib ki, Bayden administrasiyasının bu məhdudiyyətləri Ukraynanın son vaxtlar xüsusilə Xarkov vilayətində irəliləyiş əldə edən Rusiyaya qarşı əlini zəiflədib.
Ötən gün Rusiya ordusunun Xarkov şəhərinə təşkil etdiyi hücumlarda 3 nəfərin öldüyü, 28 nəfərin yaralandığı bildirilib.
Rusiya Müdafiə Nazirliyinin dünən verdiyi açıqlamada 11-17 may tarixləri arasında Xarkov, Donetsk və Zaporojya bölgələrində 14 yaşayış məntəqəsinin ələ keçirildiyi iddia edilib.
Rusiya prezidenti Vladimir Putin Çin səfərini başa vurmazdan əvvəl verdiyi açıqlamada Ukraynanın hücumlarını dayandırmaq üçün bufer zona yaratmağı planlaşdırdıqlarını və Xarkovu ələ keçirməyi hədəfləmədiklərini müdafiə edib.
Ukrayna prezidenti Vladimir Zelenski Fransanın Frans-Press Agentliyinə müsahibəsində Çinin iyunda İsveçrədə keçiriləcək atəşkəs danışıqlarında iştirakını istədiyini bildirib.
Dünən dərc olunan müsahibəsində Zelenski Pekin administrasiyasının Moskvaya “böyük təsirə malik olduğunu” və sülhün təmin edilməsində mühüm rol oynaya biləcəklərini bildirib.
Pekin administrasiyasının danışıqlarda iştirak edib-etməyəcəyi hələlik bəlli deyil. Çinin İsveçrədəki səfiri Vanq Şihtinq mart ayında verdiyi açıqlamada məsələni müzakirə etdiklərini söylədi.