ABŞ Federal Ehtiyat Sisteminin (FED) sədri Cerom Pauellin sabah başlayacaq Cekson Hole İqtisadi Siyasət Simpoziumunda verəcəyi mesajlar ərəfəsində investorlar ehtiyatlı davrandıqları üçün qlobal bazarlar mənfi tendensiya izləyir.

Dünyada bir müddətdir davam edən inflyasiya ilə mübarizə başa çatmaq üzrəykən, FED-in gələcəkdə atacağı addımlarla bağlı siqnallar tənəzzül qorxusunun olduğu ABŞ-da investorların diqqət mərkəzində qalmaqda davam edir.

Pul bazarlarında qiymətlər FED-in gələn ay faiz dərəcələrini 25 baza bəndi azaldacağına əmin görünsə də, ilin sonuna qədər atılacaq addımlarla bağlı qeyri-müəyyənlik davam edir.

Analitiklər, gələcək siyasətlərlə bağlı ipucuların Cekson Hole İqtisadi Siyasət Simpoziumunda Pauellin açıqlamalarında axtarılacağını və bu cür təlimatın bazarlarda dəyişkənliyi artıra biləcəyini ifadə etdilər.

Digər tərəfdən FED İdarə heyəti Üzvü Mişel Bouman, keçən il inflyasiyanın azaldılmasında əldə etdiklərini əhəmiyyətli irəliləyişi son aylarda daha çox gördüklərini açıqlayıb.

İnflyasiyada hələ də bəzi yuxarı risklər gördüyünə işarə edən Bouman, bankın mövcud siyasətində dəyişiklik etməkdə ehtiyatlı olmağa davam edəcəyini ifadə etdi.

FED üzvü maaş artımlarının inflyasiya hədəfinə uyğun tempin üzərində qalmağa davam etdiyini vurğulayaraq, əmək bazarında əhəmiyyətli dərəcədə zəifləmə riskini nəzərə alaraq qiymət sabitliyinə çox diqqət yetirilməli olduğunu söylədi.

Bu inkişaflarla ABŞ-ın 10 illik istiqraz faizi hazırda yüzdə 3,81 səviyyəsində balanslaşdırılarkən, dollar indeksi dünən 101,4 ilə dekabrın 29-dan bu yana ən aşağı bağlanışa imza adıb.

Dünən qızılın unsiya qiyməti rekord həddə 2514 dollara yüksələrkən, Brent markalı neftin bir barelinin qiyməti ardıcıl üçüncü ticarət günü eniş trendini davam etdirərək 76,7 dollara kimi ucuzlaşıb.

Bu inkişaflarla dünən “Dow Jones” indeksi yüzdə 0,15, “S&P 500” indeksi yüzdə 0,2, “Nasdaq” indeksi isə yüzdə 0,33 artıb. ABŞ-da indeks fyuçers müqavilələri yeni günə artımla başlayıb.

Dünən Avropa birjalarında mənfi tendensiya müşahidə edilərkən, Avro bölgəsində açıqlanan inflyasiya məlumatları gözləntilərə uyğun idi.

Analitiklər, Avropa Mərkəzi Bankının (AMB) gələn ay açıqlayacağı pul siyasəti qərarında 25 baz bənd faiz endiriminin gözlənildiyini bildirib.

Bu inkişaflarla dünən İngiltərədə FTSE 100 indeksi yüzdə 1, Almaniyada DAX 40 indeksi yüzdə 0,35, Fransada CAC 40 indeksi yüzdə 0,22, İtaliyada FTSE MIB indeksi yüzdə 0,57 azalıb. Avropada indeks fyuçers müqavilələri yeni günə artımla başlayıb.

Nyu-York Birjasında satış yönümlü tendensiyanın Cənubi Koreya istisna olmaqla Asiyaya doğru hərəkət etdiyi görülsə də, yeni gündə Çin texnologiya şirkətləri enişin başında görünür.

Çində istehlakçı alışının aşağı olması səbəbindən “Walmart”ın bəzi şirkətlərdəki səhmlərini satacağı ilə bağlı xəbər axını ölkədə deflyasiya narahatlıqlarının yenidən aktiv qiymətlərinə təsir göstərməsinə səbəb olub.

Digər tərəfdən, dollar/yen pariteti dünən ardıcıl üçüncü ticarət günü 0,9 faiz azalaraq 145,27 səviyyəsində bağlanıb və hazırda əvvəlki bağlanışdan 0,3 faiz yuxarı 145,71 səviyyəsindədir.

Bağlanmaya yaxın Yaponiyada Nikkei 225 indeksi 0,3 faiz, Honq Konqda Hang Seng indeksi 0,9 faiz, Çində Şanxay kompozit indeksi 0,5 faiz azalıb, Cənubi Koreyada Kospi indeksi isə 0,2 faiz artıb.

İstanbul birjasında dünən satış yönümlü bir tendensiya təqib edən BIST 100 indeksi günü əvvəlki bağlanışa görə yüzdə 0,72 azalma ilə 9.982,28 bəndlə tamamlasa da, Türkiyə Respublikası Mərkəzi Bankı (TCMB) siyasətini saxlayıb. Dollar/TL dünən yüzdə 0,4 artımla 33,8862 səviyyəsində bağlandığı halda, bu gün banklararası bazarın açılışında üfüqi olaraq 33,8970 səviyyəsində ticarət edilir.

Bu gün Türkiyədə məlumat gündəminin sakit olduğunu, FED-in ABŞ-dakı iclas protokollarının xaricdə izləniləcəyini bildirən analitiklər, texniki olaraq BIST 100 indeksində 10.000 və 10.100 səviyyələrinin müqavimət, 9.900 və 9700 səviyyələrinin isə dəstək olduğunu qeyd ediblər.