
Frankfurt turizmi rekord gedir
Yerli ziyarətçi sayı artıb, əcnəbilərdə isə azalma var
Yerli ziyarətçi sayı artıb, əcnəbilərdə isə azalma var
Günlərinin yarısını su altında keçirən “Haenyeo”lar
Robot analar insan körpələri dünyaya gətirəcək
Başqa qadınla yazışdığı üçün ...
Hava limanlarında tətillər, sığorta problemləri, kadr böhranı və gecikmələr sistemi iflic edir
Uçuş gecikmələri və ləğvlər nəyi göstərir?
İtlərin Parkinson xəstəliyini iy ilə ayırd edə bildiyi aşkarlandı
Ən ucuz məhsul ən yüksək qiyməti alıb
Leipzigə məcburi eniş
Doğulan uşağın cinsiyyəti ananın yaşı və bəzi genetik amillərlə əlaqəli ola bilər
Aztəminatlı və yaşıllıq olmayan ərazilərdə yaşayanlar üçün risk 2 dəfə çoxdur
Gecə növbəsində işləyən qadınlar risk altındadır
Xərçəngə ən çox meylli yaş qrupu müəyyən edilib
Hamilə qadın küçənin ortasında uşaq dünyaya gətirdi
Merz və Tramp Ağ Evdə bir-birlərinə nə hədiyyə etdilər?
Berlində qadın qətlləri artmaqdadır
Almaniyada evində təkbaşına yaşayanların sayı son 20 ildə sürətlə artaraq 17 milyona çatıb. Bu, ölkə əhalisinin təxminən 20,6 faizini təşkil edir. Almaniyanın Federal Statistika İdarəsinin (Destatis) 2024-cü il mikro siyahıyaalma nəticələrinə əsasən, 2004-cü ildə bu göstərici 14 milyon nəfər və ya 17,1 faiz idi.
Tək yaşayanların çoxunu yaşlılar təşkil edir. 65 yaşdan yuxarı şəxslərin 34 faizi, 85 yaş və üzəri olanların isə yarıdan çoxu – 56 faizi evində tək yaşayır. Maraqlıdır ki, 25-34 yaş arası gənclər arasında da tək yaşayanların nisbəti 28 faizə çatıb. Ümumilikdə, qadınların (21,2 faiz) tək yaşama ehtimalı kişilərdən (20 faiz) bir qədər yüksəkdir.
Avropa ilə müqayisədə Almaniya ön sıralarda
Məlumata görə, Almaniyada tək yaşayanların faizi Avropa Birliyi ölkələrinin orta göstəricisindən (16,2 faiz) yüksəkdir. Bu göstərici yalnız Litva, Finlandiya, Danimarka, Estoniya və İsveçdə daha yuxarıdır. Ən az tək yaşayan isə Slovakiya, İrlandiya və Polşada qeydə alınıb.
Tək nəfərlik ailələr Almaniyada artıq ən geniş yayılmış ev təsərrüfatı növüdür. Onların payı 41,6 faizdir və proqnozlara əsasən bu rəqəm 2040-cı ilə qədər 45 faizi ötəcək.
Yalnızlıq və yoxsulluq riski artır
Tək yaşamaq bəzən yalnızlıqla da nəticələnir. Statistikaya görə, təkbaşına yaşayan hər 4 nəfərdən 1-i özünü yalnız hiss edir. Bu göstərici 10 yaş və yuxarı əhali arasında ümumi göstəricidən (16,3 faiz) daha yüksəkdir. Xüsusilə 30 yaşadək şəxslər arasında bu rəqəm 36 faizə qədər yüksəlir. Əksinə, 65 yaşdan yuxarı şəxslər arasında özünü yalnız hiss edənlərin nisbəti nisbətən aşağıdır – 17,6 faiz.
Digər diqqətçəkən məsələ isə tək yaşayanların daha çox yoxsulluq riski altında olmasıdır. Keçən il onların 29 faizi yoxsulluq riski ilə üzləşib. Bu isə Almaniya əhalisinin orta göstəricisindən iki dəfə yüksəkdir.