Cənubi Koreyada məhkəmə 61 il əvvəl bir kişinin dilini dişi ilə kəsərək kəsmiş və bu səbəbdən günahkar bilinən qadını “#MeToo” hərəkatından ilham alaraq açdığı iddia nəticəsində bəraətinə qərar verdi.

Çoi Mal-ja 1964-cü ildə, hələ 19 yaşında ikən Qimhae şəhərində 21 yaşlı bir kişinin hücumuna məruz qalmışdı. Məhkəmə qeydiyyatlarına görə, hücumçu qadının nəfəs almasını əngəlləyib. Çoi isə xilas ola bilmək üçün hücumçunun dilindən 1,5 sm hissəni dişi ilə kəsib çıxarmışdı.

O dövrdə Cənubi Koreyanın ən çox mübahisə doğuran cinsi zorakılıq işlərindən biri olan hadisədə hücumçu yalnız “mənzil toxunulmazlığının pozulması” və “təhlükə yaratmaq” ittihamları ilə mühakimə olunmuş, təcavüz cəhdindən ittiham edilməmişdi. Altı aylıq həbs cəzası alsa da, bu iki il müddətinə təxirə salındı.

Çoi isə “ağır bədən xəsarəti vermək” ittihamı ilə 10 aylıq həbs cəzasına məhkum edilmiş, bu da iki il təxirə salınmışdı. Lakin dünən Busan Regional Məhkəməsi bu qərarı ləğv etdi və Çoinin hərəkətlərinin “leqal müdafiə” çərçivəsində olduğuna hökm verdi.

Məhkəmə qərarında Çoinin 1964-cü ildəki hərəkətinin “bədən bütövlüyü və cinsi müstəqilliyinə yönəlmiş haqsız hücumdan xilas olmaq cəhdi” olduğu vurğulandı. Beləliklə, 1965-ci ildə verilmiş “leqal müdafiəni aşmaq” qərarı da qüvvədən düşdü.

Qərardan sonra Çoi dəstəkçilərindən aldığı gül buketləri ilə gülümsədi. Qadın hüquqları müdafiəçiləri və aktivistlər “Çoi Mal-ja qazandı!” yazılı pankartlarla bayram etdilər.

Mətbuat konfransında Çoi, “61 il əvvəl heç nə anlamadığım bir vəziyyətdə zərərçəkmiş idim, günahkar elan olundum. Eyni taleyi paylaşan zərərçəkmişlərə ümid vermək istədim”, – deyib.

2017-ci ildə Cənubi Koreyada sürətlə yayılan “#MeToo” hərəkatı Çoini ədalət axtarmağa təşviq etdi. Qadın hüquqları etirazları ölkədə abort hüququndan gizli kamera cinayətlərinə qədər bir çox sahədə nailiyyətlər qazandırdı.

Çoi 2020-ci ildə yenidən məhkəmə müraciəti etdi, lakin aşağı instansiya bu tələbi rədd etdi. Uzun illər davam edən kampaniyalardan sonra Cənubi Koreya Ali Məhkəməsi 2024-cü ildə yenidən baxılmasına qərar verdi. İlk məhkəmə iclasında prokurorlar Çoidən üzr istəyərək, məhkəmədən məhkumluğun ləğv edilməsini istədilər.

Çoinin vəkilləri, müvəkkillərinin altmış il əvvəlki məhkumluğundan doğan zərərlər üçün dövlətdən təzminat tələb edəcəklərini açıqladılar.