Cənubi Koreya iqtisadiyyatı ikinci rübdə gözləntiləri üstələyərək texniki tənəzzüldən çıxdı. Ölkənin ÜDM-i əvvəlki rüblə müqayisədə 0,6 faiz artım göstərib. Bu göstərici həm analitiklərin 0,5 faizlik proqnozunu, həm də birinci rübdəki 0,2 faizlik azalma tempini geridə qoyub.

İllik ifadədə isə iqtisadi artım 0,5 faiz təşkil edib. Bu da həm birinci rübdəki durğunluğu, həm də gözlənilən 0,4 faizlik artımı üstələyib.

Cənubi Koreya Mərkəzi Bankının açıqladığı məlumata görə, ikinci rübdə həm mal, həm də xidmət ixracı ciddi şəkildə artıb. Yarımkeçiricilər, neft məhsulları və kimyəvi maddələrin ixracı nəticəsində ölkənin ümumi ixracı rüblük müqayisədə 4,2 faiz yüksəlib.

“Oxford Economics” şirkətinin Asiya üzrə baş iqtisadçısı Luiz Lu bildirib ki, “xalis ixrac iqtisadi artımın əsas drayveri olub.” Onun sözlərinə görə, xüsusilə ABŞ-ın ticarət siyasətində gözlənilən dəyişikliklər və şirkətlərin tariflərdən öncə göndərişləri sürətləndirməsi, ixrac həcmlərində 2020-ci ilin üçüncü rübündən bəri ən sürətli artımı təmin edib.