İqtisadi cəhətdən güclü ölkələrin daxil olduğu OECD qrupunun 38 üzv ölkəsi ilə iş saatına görə müqayisədə Almaniya aşağıdan üçüncü yeri tutub.

Son araşdırmaya görə, almanlar digər ölkələrdəki insanlardan xeyli az işləyirlər. İşəgötürənlərin dostu Alman İqtisadiyyat İnstitutunun (IW) dərc etdiyi araşdırmaya görə, 2023-cü ildə Almaniyada işləyən hər bir insan ümumilikdə orta hesabla 1036 saat işləyib.

Araşdırmaya görə, yalnız Fransa (təxminən 1027 saat) və Belçika (təxminən 1021 saat) Almaniyadan sonra gəlir. Araşdırmaya görə, ən çox işlənmiş saatlar Yeni Zelandiyada (təxminən 1402 saat), ikinci yerdə Çexiyada (təxminən 1326 saat) və İsraildə (təxminən 1312 saat) gəlir.

***

Hazırda almanların nə qədər işlədiyi sualının da siyasi əhəmiyyəti var: Yeni Federal Kansler Fridrix Merz dəfələrlə vətəndaşları daha çox işləməyə çağırıb. Bu çərçivədə, SPD Federal Əmək naziri Bərbel Bas, həftə sonu işəgötürənlərə bir çağırış etmişdi. Nazir xüsusilə qadınlar üçün məşğulluğu artırmaq üçün daha yaxşı iş şəraiti təklif etməli olduqlarını demişdi.

Almanlar 2023-cü ildə 10 il əvvəlkindən daha çox işləyiblər – 2013-cü ildə əmək qabiliyyətli yaşlı adama təxminən 1013 iş saatı düşmüşdü.

Lakin araşdırmaya görə, digər Avropa ölkələrində iş saatları son 10 ildə Almaniyadan qat-qat çox artıb. Adambaşına düşən iş saatlarının sayı 2013-2023-cü illər arasında İspaniyada 15 faiz, Yunanıstanda 21 faiz, Polşada isə 23 faiz artıb. Almaniyada isə artım cəmi 2 faiz olub. Bununla belə, “IW” araşdırmasına görə, “Almaniyada fərdi iş saatları artırılmalıdır”.

***

Federal Əmək naziri Bas, məşğulluqda daha çox qadının daha çox iş saatına səbəb ola biləcəyinə diqqət çəkib: “İşəgötürənlər iş dünyasını elə təşkil etməlidirlər ki, daha çox ana tam gün işləyə bilsin”.

“IW” araşdırması həm də part-time işi olan insanların daha çox işləməsini tövsiyə edir. “IW”nin məlumatına görə, Almaniyada işləyən əhalinin təxminən 30 faizi 2023-cü ildə natamam işləyib, İtaliyada bu göstərici 18 faiz, Polşada isə cəmi 6 faiz olub.